താരം മരിച്ചെന്ന വാർത്ത പരന്നതോടെ നിരവധി പേരാണ് വാർത്ത പങ്കുവെച്ചത് .
തന്റെ മരണവാര്ത്ത പ്രത്യേക ലക്ഷ്യം വെച്ച് പ്രചരിപ്പിച്ചതാണെന്ന് നടി പൂനം പാണ്ഡെ. കഴിഞ്ഞ ദിവസം സെര്വിക്കല് കാന്സര് ബാധിച്ചതിനെ തുടര്ന്ന് പാണ്ഡെ മരിച്ചുവെന്ന് അവരുടെ ഔദ്യോഗിക ഇന്സ്റ്റാഗ്രാം അക്കൗണ്ടില് പോസ്റ്റ് ചെയ്തിരുന്നു.സെര്വിക്കല് കാന്സറിനെക്കുറിച്ച് അവബോധം നല്കാനാണ് താന് വ്യാജ മരണവാര്ത്ത സൃഷ്ടിച്ചതെന്നും പൂനം ഇന്സ്റ്റാഗ്രാമില് പോസ്റ്റ് ചെയ്ത വീഡിയോയില് പറഞ്ഞു.
‘എല്ലാവര്ക്കും നമസ്കാരം, ഞാന് ഉണ്ടാക്കിയ ബഹളത്തിന് മാപ്പ്. ഞാന് വേദനിപ്പിച്ച എല്ലാവര്ക്കും മാപ്പ്. സെര്വിക്കല് കാന്സറിനെക്കുറിച്ചുള്ള ചര്ച്ചകള് സൃഷ്ടിക്കുക എന്നതായിരുന്നു എന്റെ ഉദ്ദേശം. എന്റെ മരണത്തെക്കുറിച്ച് വ്യാജവാര്ത്ത ഉണ്ടാക്കിയതായിരുന്നു.അതുകൊണ്ട് ഈ രോഗത്തെക്കുറിച്ച് വലിയ ചര്ച്ചകള് നടന്നു. ഈ രോഗം പതിയെ കാര്ന്നു തിന്നുന്നതാണ്.ഒരുപാട് സ്ത്രീകളുടെ ജീവിതം ഈ രോഗം കവര്ന്നിട്ടുണ്ട്. മറ്റു കാന്സറിനെപ്പോലെ സെര്വിക്കല് കാന്സറും തടയാം. എച്ച്.പി.വി വാക്സിനെടുക്കുക. കൃത്യമായി മെഡിക്കല് പരിശോധന നടത്തുക. സെര്വിക്കല് കാന്സറിനെക്കുറിച്ച് നമുക്ക് അവബോധം സൃഷ്ടിക്കാം. എല്ലാവരും ഈ ദൗത്യത്തില് പങ്കാളികളാകുക”- പൂനം പറഞ്ഞു .