അഞ്ചൽ: വാടക വീട്ടിൽ ഒളിവിൽ കഴിഞ്ഞുവന്ന ക്രിമിനൽ കേസ് പ്രതിയെ അഞ്ചൽ പൊലീസ് അറസ്റ്റ് ചെയ്തു. തിരുവനന്തപുരം അന്തിയൂർകോണം സ്വദേശി ഹേമന്ത് (കിച്ചു – 24) ആണ് അറസ്റ്റിലായത്.
നിരവധി ക്രിമിനൽ കേസുകളിലെ പ്രതിയായ ഹേമന്തിനെ അഞ്ചൽ എസ്.ഐ ജ്യോതിഷിന്റെ നേതൃത്വത്തിലെ പൊലീസ് സംഘമാണ് പനച്ചവിളയിൽ നിന്നും അറസ്റ്റ് ചെയ്തത്. ഗുണ്ടാ ആക്ട് പ്രകാരം ശിക്ഷിക്കപ്പെട്ടയാളാണ് ഹേമന്ത്.
ഇയാൾക്കെതിരേ വിവിധ പൊലീസ് സ്റ്റേഷനുകളിലായി അമ്പതോളം കേസുകളുണ്ട്. രണ്ടാഴ്ച മുമ്പ് പെട്രോൾ പമ്പിൽനിന്ന് വാഹനത്തിൽ ഇന്ധനം നിറക്കുന്നതുമായി ബന്ധപ്പെട്ട് ആയുർ പാലത്തിന് സമീപം യുവാവിനെ വെട്ടിപ്പരിക്കേൽപ്പിച്ച കേസിലും പ്രതിയാണ് ഹേമന്ത്. തിരുവനന്തപുരം പേട്ട പൊലീസിന് പ്രതിയെ കൈമാറി.
