തിരുവനന്തപുരം മാര്ച്ച് 11: കോവിഡ് 19 വൈറസ് ബാധയുടെ പശ്ചാത്തലത്തില് തിരുവനന്തപുരം ജില്ലയില് കോടതിനടപടികളിലും നിയന്ത്രണം ഏര്പ്പെടുത്തി. അത്യാവശ്യ കേസുകള് മാത്രം പരിഗണിച്ചാല് മതിയെന്ന് ജില്ലാ ജഡ്ജി നിര്ദ്ദേശിച്ചു. അത്യാവശ്യമായി പരിഗണിക്കേണ്ടതില്ലാത്ത കേസുകള് മാറ്റിവെക്കാനാണ് നിര്ദ്ദേശം.
പ്രതികളെ കൊണ്ടുവരേണ്ടെന്ന് ജയില് അധികൃതര്ക്ക് നിര്ദ്ദേശം നല്കിയിട്ടുണ്ട്. അത്യാവശ്യ നടപടികള് വീഡിയോ കോണ്ഫറന്സ് വഴി നടത്താനാണ് തീരുമാനം. കോവിഡ് 19 പടരുന്ന പശ്ചാത്തലത്തില് സംസ്ഥാനത്ത് കനത്ത ജാഗ്രതയാണ് നിലവിലുള്ളത്.