സിഡ്നി: ഇന്ത്യയുടെ മുൻ നായകൻ എം.എസ്. ധോണിയെ വാനോളം പുകഴ്ത്തി ഓസീസ് മുൻ താരവും ലോകോത്തര വിക്കറ്റ് കീപ്പറുമായ ആദം ഗിൽക്രിസ്റ്റ് . ഒരു ചാറ്റ് ഷോയിലാണ് ഗിൽക്രിസ്റ്റ് ഇക്കാര്യം പറഞ്ഞത്. എന്തുകൊണ്ടാണ് ധോണി മറ്റുള്ളവരെക്കാൾ മികച്ച താരമാകുന്നതെന്ന ചോദ്യത്തിന് ഗിൽക്രിസ്റ്റ് നൽകിയ മറുപടി എന്റെ പേര് സില്ലിയല്ല ഗില്ലിയാണ് എന്നാണ്.
ഇന്ത്യയിൽ കോടിക്കണക്കിന് ആരാധകരുളള ഒരു താരത്തെ കുറിച്ചാണ് ഞാൻ സംസാരിക്കുന്നത്. ആ ആരാധകരുടെയെല്ലാം പ്രതീക്ഷകളുടെ ചുമടുമായാണ് ധോണി കളിക്കാനിറങ്ങുന്നത്. എന്നിട്ടും അദ്ദേഹം അക്ഷോഭ്യനായി ശാന്തതയോടെ കളിക്കുന്നു. ആ കഴിവാണ് ധോണിയെ മറ്റെല്ലാവരെക്കാളും മുകളിലാക്കുന്നത്. സംഗക്കാരയെയും മക്കല്ലത്തെയും പോലുള്ള വിക്കറ്റ് കീപ്പർ ബാറ്റ്സ്മാൻമാരെല്ലാം അതിനു കീഴെ മാത്രമേ വരൂ.
ധോണിയുടെ വളർച്ചയെ ഞാൻ ശ്രദ്ധാപൂർവം നിരീക്ഷിച്ചിട്ടുണ്ട്. ഒരു തകർപ്പൻ സെഞ്ച്വറിയുമായിട്ടായിരുന്നു അദ്ദേഹത്തിന്റെ അന്താരാഷ്ട്ര ക്രിക്കറ്റിലേക്കുള്ള വരവു തന്നെ.
ഗിൽക്രിസ്റ്റ് പറയുന്നു.
