തിരുവനന്തപുരം : അഴിമതി ഏറ്റവും കുറഞ്ഞ സംസ്ഥാനമെന്നപേര് സമ്പാദിക്കാൻ കേരളത്തിന് കഴിഞ്ഞുവെന്ന് മുഖ്യമന്ത്രി പിണറായി വിജയൻ. സെക്രട്ടേറിയറ്റ് ഉദ്യോഗസ്ഥരെക്കുറിച്ച് നാടിന് നല്ല മതിപ്പാണ്. “ജനങ്ങള്ക്ക് തൃപ്തികരമായ അവസ്ഥയാണ് ഉള്ളത്. മുഖ്യമന്ത്രി പറഞ്ഞു. ഒരു പുഴുക്കുത്തും നിങ്ങള്ക്കിടയില് ഇല്ലാതിരിക്കാൻ ശ്രദ്ധിക്കണമെന്നും അദ്ദേഹം നിർദേശിച്ചു .
ഫയല് നീക്കം വേഗത വർധിപ്പിക്കാൻ ശ്രമം നടക്കുന്നു
തെറ്റായ പ്രവണതയുണ്ടാകുമ്പോള് തിരുത്തിക്കുന്നതിനാണ് സംഘടന. ഫയല് നീക്കം വേഗത വർധിപ്പിക്കാൻ ശ്രമം നടക്കുന്നു .ചില മാറ്റങ്ങള് ഉണ്ടായിട്ടുണ്ട്. അത് പൂർണ്ണതയില് എത്തിയോ എന്ന് സെക്രട്ടറിയേറ്റ് ജീവനക്കാർ പരിശോധിക്കണം.”-അദ്ദേഹം പറഞ്ഞു.സിവില് സർവീസ് രംഗം മെച്ചപ്പെടണമെന്നും മുഖ്യമന്ത്രി പറഞ്ഞു. പഴയ കാലഘട്ടത്തിൻ്റെ ഹാങ്ങ് ഓവർ ഇപ്പോഴും ചിലരില് നിലനില്ക്കുന്നുണ്ട്. ജനങ്ങള്ക്ക് കാര്യങ്ങള് പെട്ടെന്ന് നടത്തി കൊടുക്കുക എന്നതില് ആകണം താല്പര്യം.മനഃപൂർവം വൈകിപ്പിക്കരുത് എന്നും അദ്ദേഹം ആവശ്യപ്പെട്ടു.
കിഫ്ബിയെ തകർക്കാൻ കേന്ദ്ര സർക്കാർ ശ്രമം
അതേസമയം കേന്ദ്ര സർക്കാരിനെതിരെ അദ്ദേഹം ആഞ്ഞടിച്ചു. സംസ്ഥാനങ്ങള്ക്ക് അർഹമായ വിഹിതം കേന്ദ്രം നല്കുന്നില്ലെന്നും കേന്ദ്ര ബജറ്റ് അതിന് ഉദാഹരണം ആണെന്നും അദ്ദേഹം ആഞ്ഞടിച്ചു. കേരളത്തിന്റെ വികസനത്തിനായി ഒരു പരാമർശവും ഉണ്ടായില്ല.അതിനൊപ്പം കിഫ്ബിയെ തകർക്കാൻ ശ്രമം നടക്കുന്നതായും അദ്ദേഹം ആരോപിച്ചു. കേരളത്തോടുള്ള വിവേചനം എല്ലാ തലങ്ങളിലും നിലനില്ക്കുന്നു. ഇത്തരം നീക്കത്തിനിടയിലും വികസനം മുന്നോട്ട് കൊണ്ട് പോവുകയാണ് .സർക്കാർ.ജീവനക്കാരുടെ അവകാശങ്ങള് സംരക്ഷിക്കാൻ എല്ലാ നടപടികളും സർക്കാർ സ്വീകരിക്കും.ക്രിയാത്മകമായ ഇടപെടല് ഉണ്ടാകുമെന്നും അദ്ദേഹം വ്യക്തമാക്കി.
