തിരുവനന്തപുരം ഡിസംബര് 20: മംഗളൂരുവില് മലയാളി മാധ്യമപ്രവര്ത്തകരെ കസ്റ്റഡിയിലെടുത്ത നടപടിയില് കര്ണാടകയിലെ ഉന്ത ഉദ്യോഗസ്ഥരുമായി സംസാരിച്ചു വരികയാണെന്ന് ഡിജിപി ലോക്നാഥ് ബെഹ്റ പറഞ്ഞു. മാധ്യമ പ്രവര്ത്തകരുടെ സുരക്ഷ ഉറപ്പാക്കാന് വേണ്ടുന്ന നടപടി സ്വീകരിക്കുമെന്നും ഡിജിപി വ്യക്തമാക്കി.
മംഗളൂരുവില് സിറ്റി പോലീസ് കമ്മീഷണറുടെ നേതൃത്വത്തിലാണ് മാധ്യമപ്രവര്ത്തകരെ കസ്റ്റഡിയിലെടുത്തത്. മൊബൈലും ക്യാമറയും അടക്കമുള്ള ഉപകരണങ്ങള് പിടിച്ചെടുക്കുകയും ചെയ്തു. കഴിഞ്ഞ ദിവസം മംഗലാപുരത്ത് സംഘര്ഷത്തില് കൊല്ലപ്പെട്ടവരുടെ മൃതദേഹങ്ങള് സൂക്ഷിച്ചിരിക്കുന്ന ആശുപത്രിക്ക് സമീപം വച്ചാണ് മാധ്യമപ്രവര്ത്തകരെ പോലീസ് കസ്റ്റഡിയിലെടുത്തത്.
