ന്യൂഡല്ഹി നവംബര് 26: മഹാരാഷ്ട്രയില് ബുധനാഴ്ച വൈകിട്ട് അഞ്ച് മണിക്ക് മുമ്പായി വിശ്വാസ വോട്ടെടുപ്പ് നടത്തണമെന്ന സുപ്രീംകോടതി ഉത്തരവിനെ സ്വാഗതം ചെയ്യുന്നതായി കോണ്ഗ്രസ് അധ്യക്ഷ സോണിയ ഗാന്ധി. മഹാവികാസ് അഘാഡി വിശ്വാസ വോട്ടെടുപ്പില് വിജയിക്കുമെന്നും അവര് കൂട്ടിച്ചേര്ത്തു. കോടതി ഉത്തരവ് ഇന്ത്യന് ജനാധിപത്യത്തിലെ നാഴികക്കല്ലാണെന്ന് എന്സിപി നേതാവ് നവാബ് മാലിക് പ്രതികരിച്ചു.
ബുധനാഴ്ച നടക്കുന്ന വിശ്വാസവോട്ടെടുപ്പില് ഭൂരിപക്ഷം തെളിയിക്കാനാകുമെന്നും അദ്ദേഹം പറഞ്ഞു. സുപ്രീംകോടതി വിധിയില് സന്തോഷമുണ്ടെന്ന് മുതിര്ന്ന കോണ്ഗ്രസ് നേതാവ് കെസി വേണുഗോപാല് വ്യക്തമാക്കി.
