ഡ്രൈവിംഗ് ടെസ്റ്റ് പരിഷ്കരണവുമായി ബന്ധപ്പെട്ട് സംസ്ഥാനത്തിന്റെ വിവിധ ഭാഗങ്ങളില് വ്യാപക പ്രതിഷേധം. കൊല്ലം, കോഴിക്കോട്, മലപ്പുറം, തിരൂര്, മുക്കം, കാസര്ഗോഡ് എന്നീ സ്ഥലങ്ങളിലാണ് പ്രതിഷേധമുണ്ടായത്.
മുക്കത്ത് ഗതാഗത മന്ത്രി ഗണേഷ് കുമാറിന്റെ കോലം കത്തിച്ചു. ഡ്രൈവിംഗ് സ്കൂള് സംയുക്ത യൂണിയന്റെ നേതൃത്വത്തിലാണ് കോലം കത്തിച്ചത്. ടെസ്റ്റ് ഗ്രൗണ്ടിൽ നടന്ന പ്രതിഷേധത്തിനിടെ ടെസ്റ്റിനെത്തിയവരും പോലീസുമായി കയ്യാങ്കളിയുണ്ടായി. പ്രതിഷേധക്കാരെ പോലീസ് കസ്റ്റഡിയിലെടുത്തു
ഇന്നുമുതൽ ദിവസേന 50 പേർക്ക് മാത്രം ടെസ്റ്റ് നടത്താനാണ് മന്ത്രി ഗണേഷ് കുമാർ നിർദേശം നൽകിയത്. മെയ് ഒന്ന് മുതൽ നടപ്പാക്കുമെന്നറിയിച്ചിരുന്ന പരിഷ്കാരം ഇന്ന് മുന്നറിയിപ്പില്ലാതെ പെട്ടെന്ന് നടത്തിയതിനെതിരെ പ്രതിഷേധം ഉണ്ടാവുകയായിരുന്നു