ന്യൂഡൽഹി: രാജ്യത്ത് കോവിഡ് വാക്സിൻ ക്ഷാമം ജൂലൈ വരെ തുടരുമെന്ന് സെറം ഇൻസ്റ്റിറ്റ്യൂട്ട് തലവൻ അദാർ പൂനവാല. ജൂലൈയോടെ വാക്സിൻ ഉൽപ്പാദനം വർധിപ്പിക്കാനാകുമെന്നാണ് വിലയിരുത്തലെന്നും അദാർ പൂനവാല പറഞ്ഞതായി ഒരു ദേശീയ മാധ്യമം റിപ്പോർട് ചെയ്തു.
നിലവിൽ 60 മുതൽ 70 മില്ല്യൺ വരെയാണ് ഉൽപാദനം. ജൂലൈയിൽ ഉൽപാദനം 100 മില്ല്യനായി ഉയർത്തും. രാജ്യത്ത് 18 വയസിന് മുകളിലുള്ളവർക്ക് വാക്സിൻ വിതരണം ആരംഭിച്ചതിന് പിന്നാലെയായിരുന്നു അദാർ പൂനവാലയുടെ പ്രതികരണം.
കണക്കുകൂട്ടലുകൾ തെറ്റിച്ച് കോവിഡ് വ്യാപനം രൂക്ഷമാകുകയായിരുന്നു. ഓർഡറുകൾ ലഭിച്ചതോടെ വാക്സിൻ ഉൽപാദനം വേഗത്തിലാക്കിയിട്ടുണ്ട്.
-അദാർ പൂനവാല പറഞ്ഞു.
