ഹരിപ്പാട് രണ്ട് യുവാക്കൾ മുങ്ങിമരിച്ചു.

ഹരിപ്പാട്: ഹരിപ്പാട് അച്ചൻകോവിലാറ്റിൽ പള്ളിപ്പാട് ആഞ്ഞിലിമൂട്ടിൽ കടവ് പാലത്തിന് സമീപം കുളിക്കാനിറങ്ങിയ രണ്ട് യുവാക്കൾ മുങ്ങിമരിച്ചു. മുഹമ്മദ് അനസ് (28) ജിബിൻ തങ്കച്ചൻ (26) എന്നിവരാണ് മരിച്ചത്. കായംകുളം ചേരാവള്ളി മാളിക പടീറ്റതിൽ സൈനുലാബ്ദീന്റെ മകനാണ് മുഹമ്മദ് അനസ് . ചേരാവള്ളി ജിതിൻ ഭവനിൽ തങ്കച്ചൻ മകനാണ് ജിബിൻ തങ്കച്ചൻ.

സുഹൃത്തുക്കളുടെ കൂടെ ചൂണ്ടയിടാൻ പോയതായിരുന്നു ഇവർ. കുളിക്കാനിറങ്ങിയ അനസും സുബിനും ഒഴുക്കിൽപ്പെട്ടു. കൂടെയുണ്ടായിരുന്നവർ ബഹളംവെച്ചു. നാട്ടുകാർ ഓടിക്കൂടി. രക്ഷപ്പെടാൻ ശ്രമിച്ചെങ്കിലും കഴിഞ്ഞില്ല. ഹരിപ്പാട് പോലീസും നാട്ടുകാരും ചേർന്നാണ് തെരച്ചിൽ നടത്തിയത്.