ലഖ്നൗ ആഗസ്റ്റ് 21: രണ്ടരവര്ഷം പിന്നിടുന്ന യോഗി ആദിത്യനാഥ് സര്ക്കാര് ബുധനാഴ്ച വിപുലീകരിച്ചു. 23 പുതിയ മന്ത്രിമാരെ ഉള്പ്പെടുത്തി, 5 മന്ത്രിമാര്ക്ക് സംസ്ഥാനത്ത് നിന്ന് കാബിനറ്റ് പദവിയും നല്കി.
രാജ്ഭവനില്വെച്ച് നടന്ന ചടങ്ങില് ഗവര്ണര് ആനന്ദിബെന് പട്ടേല് പുതിയ മന്ത്രിമാര്ക്ക് സത്യപ്രതിജ്ഞ ചൊല്ലിക്കൊടുത്തു. മുഖ്യമന്ത്രി യോഗി ആദിത്യനാഥ്, മറ്റ് സഹപ്രവര്ത്തകര്, സ്പീക്കര് ഹൃദ്യ നരന് ദീക്ഷിത്, സംസ്ഥാന ബിജെപി പ്രസിഡന്റ് സ്വതന്ത്ര ദീയോ സിങ് തുടങ്ങിയവര് ചടങ്ങില് പങ്കെടുത്തു.
മന്ത്രിസഭ പുനര്വിന്യാസം ചെയ്യുന്നതിന്റെ തലേന്ന് ആറ് മന്ത്രിമാര് രാജിവെച്ചു. ധനകാര്യമന്ത്രി രാജേഷ് അഗര്വാള്, സംസ്ഥന മന്ത്രിമാരായ അനുപമ ജയ്സ്വാള്, ധരംപാല് സിങ്, അര്ച്ചന പാണ്ഡ്യേ, ചേതന് ചൗഹാന്, മുക്തി ബിഹാരി വര്മ്മ എന്നിവരാണ് രാജിവെച്ച മന്ത്രിമാര്.
മുഖ്യമന്ത്രിയടക്കം 56 മന്ത്രിമാരുണ്ട് ഇപ്പോള് ഉത്തര്പ്രദേശ് മന്ത്രിസഭയില്. ഡോ മഹേന്ദ്രസിങ്, ഭൂപേന്ദ്ര സിങ് ചൗധരി, സുരേഷ് റാന, അനില് രാജ്ഭാര്, എന്നിവരാണ് കാബിനറ്റ് പദവിയിലേക്ക് ഉയര്ന്നത്.
