കൊച്ചി മാര്ച്ച് 16: വാളയാര് പീഡനക്കേസില് വെറുതെവിട്ട ആറുപ്രതികളെയും അറസ്റ്റ് ചെയ്യാന് ഹൈക്കോടതിയുടെ നിര്ദ്ദേശം. അറസ്റ്റ് ചെയ്തശേഷം പ്രതികളെ വിചാരണക്കോടതിയില് ഹാജരാക്കി ജാമ്യത്തില് വിടണം. കേസിലെ പ്രതികളെ വെറുതെ വിട്ടതിനെതിരെ സംസ്ഥാന സര്ക്കാരും കുട്ടികളുടെ അമ്മയും സമര്പ്പിച്ച അപ്പീലിലാണ് ഹൈക്കോടതി നിര്ദ്ദേശം.
പ്രതികള്ക്കെതിരെ കുറ്റം തെളിയിക്കാന് പ്രോസിക്യൂഷന് കഴിഞ്ഞില്ലെന്ന് വ്യക്തമാക്കി വിചാരണ കോടതി ആറ് കേസുകളിലായി നാല് പ്രതികളെയാണ് വെറുതെ വിട്ടത്. അന്വേഷണ സംഘത്തിന്റെയും പ്രോസിക്യൂഷന്റെയും ഭാഗത്ത് നിന്ന് വീഴ്ചകള് ഉണ്ടായിട്ടുണ്ടെന്നും ശക്തമായ തെളിവുകള് പരിഗണിക്കാതെയാണ് വിചാരണക്കോടതി വിധി പുറപ്പെടുവിച്ചിട്ടുള്ളതെന്നു ചൂണ്ടിക്കാട്ടിയാണ് സര്ക്കാര് അപ്പീല് നല്കിയത്.
വാളയാറില് 2017 ജനുവരി 13ന് 13 വയസുകാരിയെയും 2017 മാര്ച്ച് 4ന് സഹോദരിയെയും വീട്ടിനകത്ത് തൂങ്ങിമരിച്ച നിലയില് കണ്ടെത്തുകയായിരുന്നു.
