തിരുവനന്തപുരം ഫെബ്രുവരി 5: സംസ്ഥാനത്ത് കൊറോണ വൈറസ് സ്ഥിരീകരിച്ച പശ്ചാത്തലത്തില് മദ്യപിച്ച് വാഹനമോടിക്കുന്നവരെ കണ്ടെത്താന് ബ്രീത്ത് അനലൈസര് ഉപയോഗിച്ചുള്ള പരിശോധന നിര്ത്തിവെയ്ക്കാന് നിര്ദ്ദേശം. സംസ്ഥാന പോലീസ് മേധാവി ലോക്നാഥ് ബെഹ്റയാണ് താത്കാലികമായി ബ്രീത്ത് അനലൈസര് ഉപയോഗിച്ചുള്ള പരിശോധന നിര്ത്തിവയ്ക്കാന് നിര്ദ്ദേശിച്ചത്. മദ്യപിച്ചാണ് വാഹനമോടിക്കുന്നതെന്ന് സംശയം തോന്നിയാല് അത്തരം ആള്ക്കാരെ വൈദ്യപരിശോധനയ്ക്ക് വിധേയരാക്കി നിയമപ്രകാരമുള്ള നടപടി സ്വീകരിക്കാനും നിര്ദ്ദേശിച്ചിട്ടുണ്ട്.
കാസര്കോട് രോഗബാധ സ്ഥിരീകരിച്ച ഒരാളെ കൂടാതെ മൂന്ന് പേരെകൂടി ഐസൊലേഷന് വാര്ഡില് പ്രവേശിപ്പിച്ചിട്ടുണ്ട്. വൈറസ് ബാധ സ്ഥിരീകരിച്ചവരുടെ സമാനമായ രോഗ ലക്ഷണങ്ങള് കണ്ടതിനെ തുടര്ന്നാണ് നടപടി.
