കോട്ടയം: ആരാധനകള്ക്കെതിരേ നടത്തുന്ന ആക്രമണങ്ങള് ഏറ്റവും അപലപനീയമാണെന്ന് മലങ്കര ഓര്ത്തഡോക്സ് സഭാധ്യക്ഷൻ ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവ. മതേതര രാഷ്ട്രമായ ഇന്ത്യയില് ഏതു മതത്തില് വിശ്വസിക്കുന്നതിനും പ്രചരിപ്പിക്കുന്നതിനും അനുവാദം ഭരണഘടന നല്കുന്നുണ്ട്. അക്കാര്യത്തില് ന്യൂനപക്ഷമെന്നോ ഭൂരിപക്ഷമെന്നോ വ്യത്യാസം ഇല്ല. എല്ലാ മതത്തിനും ഒരേ അവകാശമാണു ഭരണഘടന നല്കുന്നത്..
ഇത്തരം വിധ്വംസകപ്രവര്ത്തനങ്ങള് അവസാനിപ്പിക്കാന് സര്ക്കാര് മുന്കൈയെടുക്കണം.
ആക്രമണപ്രവര്ത്തനങ്ങള് നടത്തുന്നത് ആരാണെങ്കിലും അവര് മനുഷ്യസമൂഹത്തിന് അപമാനമാണ്. അവര്ക്ക് ഒത്താശ ചെയ്തു കൊടുക്കുന്ന ഭരണകൂടങ്ങള് ഭരണഘടനയ്ക്ക് എതിരായിട്ടാണ് നില്ക്കുന്നത്. ഇത്തരം വിധ്വംസകപ്രവര്ത്തനങ്ങള് അവസാനിപ്പിക്കാന് സര്ക്കാര് മുന്കൈയെടുക്കണം. ഒരു മതവും ഒരു മതത്തേയും നിഗ്രഹിക്കാന് പാടില്ല. എല്ലാവരും പരസ്പരം ആദരിക്കണം. ആവര്ത്തിച്ചുകൊണ്ടിരിക്കുന്ന ഇത്തരം ആക്രമണങ്ങളെ ആശങ്കയോടെയാണ് കാണേണ്ടതെന്നും കാതോലിക്കാ ബാവാ പറഞ്ഞു.
