ന്യൂഡൽഹി, 2026 ജൂൺ 6
കേന്ദ്ര നൈപുണ്യ വികസന-സംരംഭകത്വ മന്ത്രാലയത്തിന്റെ (MSDE) ആസ്ഥാനമായ കൗശൽ ഭവനിൽ ജീവനക്കാരുടെ കുട്ടികൾക്കായുള്ള പുതിയ ഡേകെയർ കേന്ദ്രം കേന്ദ്ര സഹമന്ത്രി ജയന്ത് ചൗധരി ഉദ്ഘാടനം ചെയ്തു. കൂടുതൽ ഉൾക്കൊള്ളുന്നതും കുടുംബസൗഹൃദവുമായ തൊഴിൽ അന്തരീക്ഷം ഒരുക്കുന്നതിന്റെ ഭാഗമായാണ് ഈ സൗകര്യം ആരംഭിച്ചത്. ഏകദേശം 600 ചതുരശ്ര മീറ്റർ വിസ്തൃതിയിലുള്ള കേന്ദ്രത്തിൽ കുട്ടികൾക്ക് പഠിക്കാനും കളിക്കാനും വിശ്രമിക്കാനും അനുയോജ്യമായ സൗകര്യങ്ങളാണ് ഒരുക്കിയിരിക്കുന്നത്.
6 മാസം മുതൽ 6 വയസ്സ് വരെ പ്രായമുള്ള കുട്ടികളുടെ പരിചരണവും വളർച്ചയും ലക്ഷ്യമിട്ടാണ് ഡേകെയർ രൂപകൽപന ചെയ്തിരിക്കുന്നത്. പരിശീലനം ലഭിച്ച പരിചരണപ്രവർത്തകരും സഹായ ജീവനക്കാരും ഇവിടെ സേവനമനുഷ്ഠിക്കും. വിശ്രമമുറികൾ, കളി-പ്രവർത്തന മേഖല, പ്രായത്തിന് അനുയോജ്യമായ പഠനസാമഗ്രികൾ, കുട്ടികൾക്ക് അനുയോജ്യമായ ഫർണിച്ചറുകൾ, ശുചിത്വമുള്ള ശൗചാലയങ്ങൾ, മുലയൂട്ടലിനും ശിശുപരിചരണത്തിനുമായി പ്രത്യേകം മുറികളും ഇവിടെ സജ്ജമാക്കിയിട്ടുണ്ട്. ജോലി ചെയ്യുന്ന മാതാപിതാക്കൾക്ക് കുടുംബ ഉത്തരവാദിത്തങ്ങളും ഔദ്യോഗിക ചുമതലകളും ഒരുമിച്ച് മുന്നോട്ട് കൊണ്ടുപോകാൻ ഈ പദ്ധതി സഹായകരമാകുമെന്നാണ് മന്ത്രാലയത്തിന്റെ വിലയിരുത്തൽ.
ഡേകെയർ കേന്ദ്രം ഒരു അടിസ്ഥാനസൗകര്യം മാത്രമല്ലെന്നും പരിചരണത്തിനും കുട്ടികളുടെ ക്ഷേമത്തിനും പ്രാധാന്യം നൽകുന്ന തൊഴിൽ സംസ്കാരത്തിന്റെ ഭാഗമാണെന്നും മന്ത്രാലയം വ്യക്തമാക്കി. എംഎസ്ഡിഇ സെക്രട്ടറി ദേബശ്രീ മുഖർജി ഉൾപ്പെടെ മന്ത്രാലയത്തിലെയും അനുബന്ധ സ്ഥാപനങ്ങളിലെയും നിരവധി മുതിർന്ന ഉദ്യോഗസ്ഥർ ഉദ്ഘാടന ചടങ്ങിൽ പങ്കെടുത്തു. ഭാവിയിലേക്ക് മുന്നേറുന്ന ഇന്ത്യയിൽ തൊഴിലിടങ്ങളെ കൂടുതൽ ജനകീയവും പുരോഗമനപരവും ആക്കാനുള്ള കേന്ദ്ര സർക്കാരിന്റെ നയത്തിന്റെ ഭാഗമായാണ് ഇത്തരം പദ്ധതികൾ നടപ്പാക്കുന്നതെന്നും അധികൃതർ വ്യക്തമാക്കി.
.
