തിരുവനന്തപുരം: വനിതകള് ഉല്പ്പടെയുളള സ്ഥാനാര്ത്ഥികളെ അധിക്ഷേപിക്കുന്ന തരത്തില് സമൂഹ മാധ്യമങ്ങളിലൂടെ നടത്തുന്ന പ്രചാരണങ്ങള്ക്കെതിരെ കര്ശന നടപടി സ്വീകരിക്കുമെന്ന് സംസ്ഥാന പോലീസ് മേധാവി ലോക്നാഥ് ബഹ്റ. ഇതിനായി ജില്ലാ പോലീസ് മേധാവികള്ക്ക് നിര്ദ്ദേശങ്ങള് നല്കി
സ്ഥാനാര്ത്ഥികളുടെ പ്രചാരണ ചിത്രങ്ങളും സ്വകാര്യ ചിത്രങ്ങളും എഡിറ്റ് ചെയ്തും അശ്ലീല പദങ്ങള് ഉപയോഗിച്ചും സമൂഹ മാധ്യമങ്ങളില് പ്രചരിപ്പിക്കുന്നത് ശ്രദ്ധയില് പെട്ടതിനെ തുടര്ന്നാണ് ഈ നിര്ദ്ദേശം . ഇപ്രകാരമുളള സംഭവങ്ങള് ശ്രദ്ധയില് പെട്ടാല് പോലീസ് ആസ്ഥാനത്തെ ഇലക്ഷന് സെല്ലില് അറിയിക്കണമെന്നും ജില്ലാ പോലീസ് മേധാവികളോട് ആവശ്യപ്പെട്ടിട്ടുണ്ട്.
