തിരുവനന്തപുരം | കെ മുരളീധരന് ആരോഗ്യം, ദേവസ്വം വകുപ്പുകള് നല്കാന് ധാരണയായി . തനിക്ക് ലഭിച്ച വൈദ്യുതി വകുപ്പില് അതൃപ്തി പ്രകടിപ്പിച്ച മുതിര്ന്ന കോണ്ഗ്രസ് നേതാവ് കെ മുരളീധരന്, ലഭിക്കുന്നത് വൈദ്യുതിയെങ്കില് ചുമതല ഏല്ക്കാനില്ലെന്ന് നേതൃത്വത്തെ അറിയിച്ചിരുന്നു. ഇതിനെ തുടര്ന്ന് അനുനയത്തിന്റെ ഭാഗമായാണ് മുരളീധരന് ആരോഗ്യം, ദേവസ്വം വകുപ്പുകള് നല്കുന്നത്.
വൈദ്യുതി വകുപ്പ് ആര്ക്ക് എന്നതില് വ്യക്തത വന്നിട്ടില്ല.
വി ഡി സതീശന് മന്ത്രിസഭയില് പ്രമുഖ വകുപ്പുകള് കെ സി വേണുഗോപാല് വിഭാഗം കയ്യടക്കിയതോടെയാണ് മുരളീധരന് പ്രതീക്ഷിച്ച വകുപ്പ് നഷ്ടപ്പെട്ടത് എന്നാണു വിലയിരുത്തപ്പെട്ടത്. കെ സി വേണുഗോപാല് വിഭാഗത്തിന്റെ ഭാഗമായ എ പി അനില്കുമാറിനാണ് ആരോഗ്യവകുപ്പ് നല്കിയിരുന്നത്. വൈദ്യുതി വകുപ്പ് ആര്ക്ക് എന്നതില് വ്യക്തത വന്നിട്ടില്ല.
തിരുനഞ്ചൂര് രാധാകൃഷ്ണന് സ്പീക്കറാകും..ഷാനിമോള് ഉസ്മാൻ ഡെപ്യൂട്ടി സ്പീക്കര്.
കോണ്ഗ്രസില് നിന്ന് പതിനൊന്ന് മന്ത്രിമാരും ഘടകകക്ഷികളില് നിന്നുള്ള ഒമ്പത് മന്ത്രിമാരും അടങ്ങുന്നതാണ് പുതിയ നിര. ഏറെ നാളുകള്ക്ക് ശേഷമാണ് കോണ്ഗ്രസ് മന്ത്രിസഭയില് രണ്ട് വനിതാ മന്ത്രിമാര് ഒരുമിച്ച് വരുന്നത്. മുതിര്ന്ന നേതാവ് തിരുനഞ്ചൂര് രാധാകൃഷ്ണന് സ്പീക്കറാകും. ഷാനിമോള് ഉസ്മാനാണ് പുതിയ ഡെപ്യൂട്ടി സ്പീക്കര്. നഫീസത്ത് ബീവിക്ക് ശേഷം കാലങ്ങള്ക്ക് ശേഷമാണ് ഒരു വനിത നിയമസഭയുടെ ഡെപ്യൂട്ടി സ്പീക്കര് പദവിയിലേക്ക് എത്തുന്നു എന്ന പ്രത്യേകതയും ഉണ്ട്..
