ഇസ്ലാമാബാദ്: അമേരിക്കൻ നിർദേശങ്ങളോടുള്ള ഇറാന്റെ ഏറ്റവും പുതിയ പ്രതികരണം യുഎസ് പ്രസിഡന്റ് ഡോണാൾഡ് ട്രംപ് നിരസിച്ചതിനു പിന്നാലെപാക് ആഭ്യന്തരമന്ത്രി മൊഹ്സിൻ നഖ്വി ടെഹ്റാൻ സന്ദർശിച്ചു.ഇറാൻ-യുഎസ് സമധാനചർച്ചകൾ പുനരുജ്ജീവിപ്പിക്കാനുള്ള പാക്കിസ്താന്റെ ശ്രമങ്ങളുടെ ഭാഗമായിട്ടാണ് സന്ദർശനമെന്ന് ഇറേനിയൻ മാധ്യമങ്ങൾ റിപ്പോർട്ട് ചെയ്യുന്നു.മുൻകൂട്ടി പ്രഖ്യാപിക്കാതെയായിരുന്ന ഈ സന്ദർശനം.
ഇരുപക്ഷവുമായി പാക്കിസ്താൻ സമവായ ആശയവിനിമയം തുടരുകയാണ്.
.നേരത്തേ ഇസ്ലാമാബാദിൽ നടന്ന ചർച്ചകളിലൂടെ കൈവരിച്ച പുരോഗതിയുടെ വേഗം കുറഞ്ഞ സാഹചര്യത്തിൽ ചർച്ചകൾ വീണ്ടും പുനരാരംഭിക്കാൻ ഇരുപക്ഷവുമായി പാക്കിസ്ഥാൻ സമവായ ആശയവിനിമയം തുടരുകയാണ്. പ്രാദേശിക സമാധാനം പ്രോത്സാഹിപ്പിക്കുന്നതിനും ഇരുരാജ്യങ്ങളും തമ്മിലുള്ള ചർച്ചകൾ സുഗമമാക്കുന്നതിനുള്ള പാക്കിസ്ഥാന്റെ തുടർച്ചയായ ശ്രമങ്ങളുടെ ഭാഗമാണ് നഖ്വിയുടെ സന്ദർശനമെന്ന് ഇറാന്റെ ഔദ്യോഗിക വാർത്താഏജൻസി റിപ്പോർട്ട് ചെയ്തു.
