ന്യൂയോര്ക്ക്: ന്യൂയോര്ക്കിലെ ബ്രോങ്ക്സിൽ 17 നിലകളുള്ള റെസിഡന്ഷ്യല് കെട്ടിടത്തിന്റെ ഒരുഭാഗം തകര്ന്നുവീണു. അപകടത്തില് ആര്ക്കെങ്കിലും പരിക്കേറ്റതായി ഇതുവരെ റിപ്പോര്ട്ടുകളില്ല. സ്ഥലത്ത് ന്യൂയോര്ക്ക് അഗ്നിരക്ഷാവിഭാഗത്തിന്റെ നേതൃത്വത്തില് രക്ഷാപ്രവര്ത്തനം തുടരുകയാണെന്നും ബിബിസി റിപ്പോര്ട്ട്ചെയ്തു. പ്രാദേശികസമയം ഒക്ടോബർ 1 ബുധനാഴ്ച രാവിലെ 8.13 ഓടെയാണ് അപകടം സംഭവിച്ചതെന്നാണ് വിവരം.
പൊട്ടിത്തെറിയുണ്ടായെന്നും പ്രാഥമിക റിപ്പോര്ട്ടുകൾ
കെട്ടിടത്തിന്റെ ചിമ്മിനിയുണ്ടായിരുന്ന ഭാഗമാണ് തകര്ന്നതെന്നാണ് പറയുന്നത്. ഈ ഭാഗത്ത് പൊട്ടിത്തെറിയുണ്ടായെന്നും പ്രാഥമിക റിപ്പോര്ട്ടുകളിലുണ്ട്. അതേസമയം, കെട്ടിടത്തിലുണ്ടായിരുന്നവരയെല്ലാം സുരക്ഷിതമായി പുറത്തെത്തിച്ചതായും സ്ഥലത്ത് രക്ഷാപ്രവര്ത്തനം തുടരുകയാണെന്നും റിപ്പോര്ട്ടുകളില് പറയുന്നു
