.കൊച്ചി: ശബരിമല സ്വര്ണക്കൊള്ള കേസില് അറസ്റ്റിലായ തിരുവിതാംകൂര് ദേവസ്വം ബോര്ഡ് മുന് അഡ്മിനിസ്ട്രേറ്റീവ് ഓഫീസര് ചങ്ങനാശേരി സ്വദേശി ബി. മുരാരി ബാബുവിന്റെ ജാമ്യഹര്ജികള് ഹൈക്കോടതി ഡിസംബർ 12 ന് പരിഗണിക്കും. ദ്വാരപാരക ശില്പങ്ങളുടെ സ്വര്ണപ്പാളി നീക്കിയ കേസിലും കട്ടിളപ്പാളികള് കൈമാറിയ കേസിലും യഥാക്രമം രണ്ടും ആറും പ്രതിയായ മുരാരി ബാബു രണ്ടു കേസുകളിലും പ്രത്യേകം നല്കിയ ജാമ്യഹര്ജികളാണ് ജസ്റ്റീസ് എ. ബദറുദ്ദീന്റെ പരിഗണനയിലുള്ളത്.
ഡിസംബർ 11 ന് ഹര്ജികള് പരിഗണനയ്ക്കെടുത്തെങ്കിലും രണ്ടാം കേസ് സംബന്ധിച്ച കൂടുതല് വിശദാംശങ്ങള് തേടിയ കോടതി ഇതു ലഭ്യമാക്കാനായി ഹര്ജികള് ഇന്നത്തേക്ക് മാറ്റുകയായിരുന്നു
