കല്പറ്റ|വയനാട് മുന് ഡിസിസി ട്രഷറര് എന് എം വിജയന്റെ കട ബാധ്യത തീര്ത്ത് കെപിസിസി. ബത്തേരി അര്ബന് ബാങ്കിലെ കുടിശ്ശികയായ 58 ലക്ഷത്തോളം രൂപ കെപിസിസി അടച്ചു തീര്ത്തു. നേരത്തെ 20 ലക്ഷം കുടുംബത്തിന് നല്കിയിരുന്നു. എന്നാല് ഇത്തരമൊരു വിവരം അറിഞ്ഞിട്ടില്ലെന്നാണ് എന് എം വിജയന്റെ കുടുംബം പ്രതികരിച്ചത്.
ആരോപണങ്ങള് ഉയര്ന്ന പശ്ചാത്തലത്തിലാണ് കെപിസിസിയുടെ ഇടപെടല്.
കോണ്ഗ്രസിനെതിരെ രൂക്ഷ വിമര്ശനമാണ് മുമ്പ് എന് എം വിജയന്റെ കുടുംബം ഉയര്ത്തിയത്. നേതാക്കള് പറഞ്ഞ് പറ്റിച്ചുവെന്ന് മരുമകള് പത്മജ പറഞ്ഞിരുന്നു. എന് എം വിജയന്റെ എല്ലാ ബാധ്യതകളും തീര്ക്കുമെന്ന് പറഞ്ഞതല്ലേയെന്നും അവര് ചോദിച്ചിരുന്നു. ആരോപണങ്ങള് ഉയര്ന്ന പശ്ചാത്തലത്തിലാണ് കെപിസിസിയുടെ ഇടപെടല്.
