കേരള സർവകലാശാല ചട്ടവിരുദ്ധമായി സായാഹ്ന കോഴ്സ് അനുവദിച്ചതിനെതിരെ ഗവർണർക്ക് പരാതി

തിരുവനന്തപുരം: എം.ബി.എ കോഴ്സിന് അഖിലേന്ത്യാ സാങ്കേതിക വിദ്യാഭ്യാസ കൗൺസിലിന്റെ (എ.ഐ.സി.ടി.ഇ) അംഗീകാരമില്ലാത്ത രണ്ട് സ്വാശ്രയ സ്ഥാപനങ്ങൾക്ക് കേരള സർവകലാശാല ചട്ടവിരുദ്ധമായി സായാഹ്ന കോഴ്സ് അനുവദിച്ചതിനെതിരെ ഗവർണർക്ക് പരാതി. ഹിന്ദുസ്ഥാൻ ലാറ്റക്സിന്റെ ഉടമസ്ഥതയിലുള്ള എച്ച്.എൽ.എൽ മാനേജ്മെന്റ് അക്കാഡമി, തിരുവനന്തപുരം മൺവിള കാർഷിക സഹകരണ ട്രെയിനിംഗ് ഇൻസ്റ്റിറ്റ്യൂട്ട് എന്നിവയ്ക്കാണ് 30 സീറ്റുവീതം അനുവദിച്ചത്. കേരള സർവകലാശാലാ കാമ്പസിൽ ക്രെഡിറ്റ് ആൻഡ് സെമസ്റ്റർ രീതിയിൽ നടത്തുന്ന കോഴ്സുകളാണ് സ്വാശ്രയ സ്ഥാപനങ്ങൾക്ക് അനുവദിച്ചത്.

കോഴ്സുകളിൽ പ്രവേശനം, ഫീസ്, അദ്ധ്യാപക നിയമനം, പരീക്ഷാ നടത്തിപ്പ്, മൂല്യനിർണയം തുടങ്ങിയവയെല്ലാം സ്ഥാപനങ്ങളുടെ നിയന്ത്രണത്തിലാണ്. സർവകലാശാലാ ചട്ടപ്രകാരം ഉന്നത വിദ്യാഭ്യാസം ലക്ഷ്യമാക്കി രജിസ്റ്റർ ചെയ്തിട്ടുള്ള സൊസൈറ്റികൾക്കും ട്രസ്റ്റുകൾക്കും മാത്രമേ യൂണിവേഴ്സിറ്റി അഫിലിയേഷനും കോഴ്സുകളും അനുവദിക്കാനാവൂ. ഇത് വകവയ്ക്കാതെയാണ് ലാറ്റക്സ് തൊഴിലാളികൾക്കും കർഷകർക്കും പരിശീലനം നൽകാൻ പ്രവർത്തിക്കുന്ന സ്ഥാപനങ്ങളുമായി സർവകലാശാല ധാരണാപത്രം ഒപ്പിട്ടത്. പൂജപ്പുരയിൽ കേന്ദ്രസർക്കാരിന്റെ കോ-ഓപ്പറേറ്റീവ് ട്രെയിനിംഗ് സെന്ററിൽ സമാന കോഴ്സുണ്ടെങ്കിലും അവിടെ പരീക്ഷയും മൂല്യനിർണയവും നടത്തുന്നത് സർവകലാശാലയാണ്. പത്ത് യൂണിവേഴ്സിറ്റി ഇൻസ്റ്റിറ്റ്യൂട്ട് ഒഫ് മാനേജ്മെന്റുകളിലും ഇങ്ങനെയാണ്.അംഗീകാരമില്ലാത്ത കോളേജുകളിൽ പഠിച്ചിറങ്ങുന്നവരുടെ ബിരുദത്തിന് അംഗീകാരമുണ്ടാവില്ല

എന്നാൽ സർവകലാശാലകൾക്ക് നേരിട്ട് എം.ബി.എ കോഴ്സ് നടത്താൻ എ.ഐ.സി.ടി.ഇ അംഗീകാരം നിർബന്ധമില്ല. ഈ ഇളവ് ദുരുപയോഗം ചെയ്താണ് രണ്ട് സ്ഥാപനങ്ങൾക്ക് കോഴ്സ് അനുവദിച്ചത്. ഈ രീതി തുടർന്നാൽ സർവകലാശാലാ പഠനവകുപ്പുകളുമായി ധാരണാപത്രം ഒപ്പിട്ട് സ്വാശ്രയ സ്ഥാപനങ്ങൾക്ക് തോന്നുംപടി കോഴ്സുകൾ നടത്താനാവുമെന്നും രണ്ടിടത്തെയും കോഴ്സ് റദ്ദാക്കണമെന്നും ആവശ്യപ്പെട്ട് സേവ് യൂണിവേഴ്സിറ്റി കാമ്പെയിൻ കമ്മിറ്റി ഗവർണർക്കും എ.ഐ.സി.ടി.ഇ ചെയർമാനും പരാതി നൽകി.

കേ​ര​ള​ ​യൂ​ണി.​ ​സെ​ന​റ്റ് ​ഇ​ന്ന്തി​രു​വ​ന​ന്ത​പു​രം​:​ ​ഗ​വ​ർ​ണ​റു​ടെ​ ​വി​ര​ട്ട​ലി​നെ​ത്തു​ട​ർ​ന്ന് ​കേ​ര​ള​ ​സ​ർ​വ​ക​ലാ​ശാ​ല​ ​വൈ​സ്ചാ​ൻ​സ​ല​ർ​ ​വി​ളി​ച്ച​ ​സെ​ന​റ്റ് ​യോ​ഗം​ ​ഇ​ന്ന് ​ചേ​രു​മെ​ങ്കി​ലും​ ​പു​തി​യ​ ​വി.​സി​യെ​ ​നി​യ​മി​ക്കാ​നു​ള്ള​ ​സെ​ർ​ച്ച് ​ക​മ്മി​റ്റി​യി​ലേ​ക്ക് ​പ്ര​തി​നി​ധി​യെ​ ​ന​ൽ​കി​യേ​ക്കി​ല്ല.​ 102​ ​അം​ഗ​ങ്ങ​ളു​ള്ള​ ​സെ​ന​റ്റി​ൽ​ ​ക്വാ​റം​ ​തി​ക​യാ​ൻ​ ​അ​ഞ്ചി​ലൊ​ന്ന് ​അം​ഗ​ങ്ങ​ൾ​ ​വേ​ണം.​ 21​പേ​രു​ണ്ടെ​ങ്കി​ൽ​ ​യോ​ഗം​ ​ന​ട​ത്താം.​ ​ഇ​ത്ര​യും​ ​പേ​ർ​ ​എ​ത്താ​നി​ട​യി​ല്ല.എ​ത്തി​യാ​ൽ​ത​ന്നെ​ ​ര​ണ്ടം​ഗ​ങ്ങ​ളെ​ ​നി​ശ്ച​യി​ച്ച് ​ഗ​വ​ർ​ണ​ർ​ ​രൂ​പീ​ക​രി​ച്ച​ ​സെ​ർ​ച്ച് ​ക​മ്മി​റ്റി​ ​നി​യ​മ​വി​രു​ദ്ധ​മാ​ണെ​ന്ന​ ​മു​ൻ​നി​ല​പാ​ടി​ൽ​ ​ഉ​റ​ച്ചു​നി​ൽ​ക്കും.​ ​യു.​ഡി.​എ​ഫ് ​അം​ഗ​ങ്ങ​ൾ​ ​പേ​ര് ​നി​ർ​ദ്ദേ​ശി​ച്ചാ​ലും​ ​വി.​സി​ ​അം​ഗീ​ക​രി​ച്ചേ​ക്കി​ല്ല.​ ​സെ​ർ​ച്ച് ​ക​മ്മി​റ്റി​ ​രൂ​പീ​ക​ര​ണം​ ​കേ​സാ​യാ​ൽ,​ ​മൂ​ന്ന് ​സെ​ന​റ്റ് ​യോ​ഗം​ ​ചേ​ർ​ന്നി​ട്ടും​ ​അ​ഞ്ച് ​ക​ത്തെ​ഴു​തി​യി​ട്ടും​ ​പ്ര​തി​നി​ധി​യെ​ ​ന​ൽ​കി​യി​ല്ലെ​ന്ന് ​ഗ​വ​ർ​ണ​ർ​ക്ക് ​ചൂ​ണ്ടി​ക്കാ​ട്ടാ​നാ​വും.