ചണ്ഡീഗഡ്: സഹോദരങ്ങളുടെ മക്കള് തമ്മിലുള്ള വിവാഹം നിയമവിരുദ്ധമാണെന്ന് പഞ്ചാബ്-ഹരിയാന ഹൈക്കോടതിയുടെ സുപ്രധാന വിധി. 21കാരന് സമര്പ്പിച്ച മുന്കൂര് ജാമ്യാപേക്ഷയിലാണ് ഹൈക്കോടതി വിധി.
2020 ഓഗസ്റ്റ് 18ന് തട്ടിക്കൊണ്ടു പോകല്, പ്രായപൂര്ത്തിയാകാത്ത പെണ്കുട്ടിയെ കൈവശപ്പെടുത്തല് തുടങ്ങിയ കുറ്റങ്ങള് ചുമത്തി ലുധിയാന ജില്ലയിലെ പൊലീസ് സ്റ്റേഷനില് റജിസ്റ്റര് ചെയ്ത കേസിലാണ് യുവാവ് കോടതിയെ സമീപിച്ചത്.
പെണ്കുട്ടിക്കു പ്രായപൂര്ത്തിയായിട്ടില്ലെന്നും ഇരുവരും അടുത്ത ബന്ധുക്കളാണെന്നും ഇരുവരുടെയും പിതാക്കള് സഹോദരങ്ങളാണെന്നും ചൂണ്ടിക്കാട്ടി മാതാപിതാക്കള് പരാതി നൽകിയിരുന്നു.
