വയനാട് : കോവിഡ് വ്യാപനം രൂക്ഷമായ മാനന്തവാടി താലൂക്കില് സ്ഥിതിഗതികള് നിയന്ത്രണ വിധേയമാക്കുന്നതിന്റെ ഭാഗമായി ഇന്നലെ (03.08.20) രാത്രി 9 മണി മുതല് ആഗസ്റ്റ് 10 വരെ സി.ആര്.പി.സി സെക്്ഷന് 144 (1), (2), (3) പ്രകാരം ജില്ലാ കലക്ടര് ഡോ. അദീല അബ്ദുല്ല നിരോധനാജ്ഞ പുറപ്പെടുവിച്ചു.
മാനന്തവാടി നഗരസഭയും ആറ് ഗ്രാമപഞ്ചായത്തുകളും ഉള്ക്കൊള്ളുന്ന മാനന്തവാടി താലൂക്ക് പരിധിയില് താഴെ പറയുന്ന പ്രവര്ത്തനങ്ങള് ഈ കാലയളവില് കര്ശനമായി നിരോധിച്ചിട്ടുണ്ട്.
– പൊതുസ്ഥലത്ത് ഒരു സമയത്ത് അഞ്ചില് കൂടുതല് ആളുകള് ഒരുമിച്ച് കൂടല്
– എല്ലാ സാംസ്കാരിക, മത ചടങ്ങുകളും ആഘോഷ പരിപാടികളും
– എല്ലാ ആരാധനാ കേന്ദ്രങ്ങളിലെയും ഒരുമിച്ച്ചേരലും ഗ്രൂപ്പ് മത്സരങ്ങളും ടൂര്ണമെന്റുകളും ഗ്രൗണ്ടിലെ കളികളും
– എല്ലാവിധ പ്രകടനങ്ങളും
– ആദിവാസി കോളനികളിലേക്കുള്ള പ്രവേശനം
– വിവാഹം, ഗൃഹപ്രവേശം മുതലായ ചടങ്ങുകള് (ശവ സംസ്കാര ചടങ്ങുകള് ഒഴികെ- പരമാവധി അഞ്ചു പേര്ക്ക് പങ്കെടുക്കാം)
കണ്ടെയ്ന്മെന്റ് സോണുകളുമായി ബന്ധപ്പെട്ട് ജില്ലാ ഭരണകൂടം ഇറക്കിയ ഉത്തരവുകള്ക്കും ഇതോടൊപ്പം പ്രാബല്യമുണ്ടായിരിക്കും.
ബന്ധപ്പെട്ട രേഖ: https://keralanews.gov.in/6668/-Prohibition-order-under-section-144-in-Mananthavadi-taluk.html
