കോഴിക്കോട്: പൊക്കുന്ന് ഗുരുവായൂരപ്പൻ കോളേജിന് സമീപം താമസിക്കുന്ന തേവർകണ്ടി മീത്തൽ അജിതകുമാരിയുടെ വീട് പകടാവസ്ഥയിൽ. കനത്തമഴയിൽ വീടിന് പുറകുവശത്തെ മണ്ണ് ഇടിഞ്ഞുതാഴ്ന്ന നിലയിലാണ്. 2022 ആഗസ്റ്റ് 7 ഞായറാഴ്ച രാവിലെയാണ് സംഭവം. അടുക്കളയുടെയും ശുചിമുറിയുടെയും അടിഭാഗത്തെ മണ്ണ് ഭാഗികമായി ഇടിഞ്ഞുതാഴ്ന്ന നിലയിലാണ്.
അപകടം നടക്കുമ്പോൾ മൂന്നുപേർ വീട്ടിനുള്ളിലുണ്ടായിരുന്നെങ്കിലും ആർക്കും പരിക്കേറ്റിട്ടില്ല. മഴ തുടരുകയാണെങ്കിൽ മണ്ണിടിച്ചിലിൽ വീട് പൂർണമായും നിലംപതിക്കുമെന്ന ഭീതിയിലാണ് വീട്ടുകാർ. കൽക്കെട്ട് നിർമിക്കാനുള്ള സാമ്പത്തിക സ്ഥിതി കുടുംബത്തിനില്ല.
