വാഷിങ്ടണ്: എല്ലാത്തിന്റെയും ക്രെഡിറ്റ് ഏറ്റെടുക്കാനുള്ള പ്രവണത അമേരിക്കന് പ്രസിഡന്റ് ഡൊണാള്ഡ് ട്രംപിനുണ്ടെന്ന് യുഎസ് മുന് ദേശീയ സുരക്ഷാ ഉപദേഷ്ടാവ് ജോണ് ബോള്ട്ടണ്. ഓപ്പറേഷന് സിന്ദൂറിന് പിന്നാലെ ഇന്ത്യ-പാക് സംഘര്ഷം മൂര്ച്ഛിച്ച വേളയില് താന് ഇടപെട്ടാണ് വെടിനിര്ത്തല് സാധ്യമാക്കിയതെന്ന് ട്രംപ് അവകാശപ്പെട്ടിരുന്നു. ഇതിന്റെ പശ്ചാത്തലത്തിലാണ് ബോള്ട്ടണിന്റെ പ്രതികരണം. ഇന്ത്യ, നേരത്തെ തന്നെ ട്രംപിന്റെ അവകാശവാദം തള്ളിക്കളഞ്ഞിരുന്നു.
ഭീകരാക്രമണത്തിൽ ഒരു നേപ്പാളി പൗരൻ ഉൾപ്പടെ 26 പേരാണ് കൊല്ലപ്പെട്ടത്. .
നാലുദിവസം നീണ്ട അതിര്ത്തിയിലെ സംഘര്ഷത്തിന് പിന്നാലെ മേയ് പത്താം തീയതിയാണ് ഇന്ത്യയും പാകിസ്താനും വെടിനിര്ത്തല് ധാരണയിലേക്ക് എത്തിച്ചേര്ന്നത്. ഏപ്രില് 22-ാം തീയതിയിലെ പഹല്ഗാം ഭീകരാക്രമണത്തിനുള്ള മറുപടിയായി മേയ് ഏഴാം തീയതി ഇന്ത്യ നടത്തിയ തിരിച്ചടിയിൽ പാകിസ്താനിലെയും പാക് അധീന കാശ്മീരീരിലെയും ഒൻപത് ഭീകര കേന്ദ്രങ്ങൾതകർത്തിരുന്നു. ജമ്മുകശ്മീരിലെ പഹൽഗാമിലുണ്ടായ ഭീകരാക്രമണത്തിൽ ഒരു നേപ്പാളി പൗരൻ ഉൾപ്പടെ 26 പേരാണ് കൊല്ലപ്പെട്ടത്.
മറ്റാരെങ്കിലും ക്രെഡിറ്റ് എടുക്കുന്നതിന് മുന്പ് ചാടിവീഴുക എന്നത് ട്രംപിന്റെ ശീലമാണ് .
‘പ്രധാനമന്ത്രി നരേന്ദ്ര മോദിയുമായി ഡൊണാള്ഡ് ട്രംപ് ഫോണില് സംസാരിച്ചിട്ടുണ്ടെന്നാണ് ഞാന് കരുതുന്നത്. വൈസ് പ്രസിഡന്റ് ജെ.ഡി. വാന്സും സെക്രട്ടറി ഓഫ് സ്റ്റേറ്റ് മാര്ക്ക് റൂബിയോയും സംഭാഷണത്തില് പങ്കെടുത്തിരുന്നു. വിഷയത്തില് എന്താണ് തങ്ങള്ക്ക് ചെയ്യാന് സാധിക്കുക എന്ന് അറിയാന് മറ്റു രാജ്യങ്ങളും വിളിച്ചിട്ടുണ്ടാകുമെന്ന് എനിക്കുറപ്പാണ്. മറ്റാരെങ്കിലും ക്രെഡിറ്റ് എടുക്കുന്നതിന് മുന്പ് ചാടിവീഴുക എന്നത് ട്രംപിന്റെ ശീലമാണ്. ചിലപ്പോഴിത് അസ്വസ്ഥാജനകമായിരിക്കും. പലരെയും അസ്വസ്ഥരാക്കിയേക്കും. എന്നാല്, ഇതില് ഇന്ത്യക്കെതിരായി ഒന്നുമില്ല. ട്രംപ്, ട്രംപ് ആകുന്നതാണ്’, ബോള്ട്ടണ് പറഞ്ഞു.
.
