തിരുവനന്തപുരം: റിമാന്ഡ് പ്രതി മരിച്ചത് പോലീസ് മര്ദ്ദനം മൂലമാണെന്ന ആരോപണത്തെ തുടർന്ന് സംസ്ഥാന മനുഷ്യാവകാശ കമ്മീഷന് സ്വമേധയാ കേസെടുത്തു.
കാക്കനാട് ജില്ലാ ജയിലില് കഴിഞ്ഞ റിമാന്ഡ് പ്രതി കാഞ്ഞിരപ്പള്ളി വട്ടകപ്പാറ തൈപ്പറമ്പില് ഷെഫീഖ് (36) ആണ് മരണപ്പെട്ടത്. പോലീസിൻ്റെ മർദ്ദനമേറ്റ് കോട്ടയം മെഡിക്കല് കോളജില് ചികിത്സയിലിരിക്കെയാണ് ഷെഫീക്ക് മരിച്ചത്. തലയ്ക്ക് പരിക്കേൽപിച്ചതാണ് ഷെഫീക്കിൻ്റെ മരണത്തിന് കാരണമായതെന്ന് കുടുംബം ആരോപിക്കുന്നു.
കേസിൽ വിശദമായ അന്വേഷണം നടത്തി ജയില് ഡിജിപിയും കോട്ടയം ജില്ലാ പോലീസ് മേധാവിയും മൂന്നാഴ്ചയ്ക്കകം റിപ്പോര്ട്ട് സമര്പ്പിക്കണമെന്ന് കമ്മീഷന് അധ്യക്ഷന് ആന്റണി ഡൊമിനിക്ക് നിര്ദേശിച്ചു.
