പാല: റീസര്വ്വേ ഉദ്യോഗസ്ഥരുടെ പിഴവുമൂലം വീട്ടമ്മക്ക് കിടപ്പാടം നഷ്പ്പെട്ടിട്ട് 27 വര്ഷം. ഇതിനോടിടെ 3 മൂഖ്യമന്ത്രിമാര്ക്കും എംഎല്എമാര്ക്കും താലൂക്ക് സഭയിലും പരാതി നല്കിയിട്ടും പരിഹാമായില്ല. കടനാട് വരമ്പിനകത്ത് പത്മിനി(70)ക്കാണ് റവന്യൂ അധികൃതരുടെ പിഴവ്മൂലം കിടപ്പാടമില്ലാത പോയത്.
1992 ല് റീസര്വ്വേക്കെത്തിയ ഉദ്യോഗസ്ഥര് പത്മിനിയുടെ 8 സെന്റ് സ്ഥലം പുറമ്പോക്കായി രേഖപ്പെടുത്തുകയായിരുന്നു. ഉദ്യോഗസ്ഥരെത്തിയ സമയം പത്മിനി കൂലിപ്പണിക്ക് പോയിരിക്കുകയായിരുന്നു. 1993 ല് കരം അടക്കാനെത്തിയപ്പോഴാണ് തന്റെ സ്ഥലം പുറമ്പോക്കാണെന്ന് പത്മിനി അറിയുന്നത്. അന്നുമുതല് തുടങ്ങിയതാണ് പഞ്ചായത്ത് റവന്യു അധികാരികളുടെ പുറകേയുളള നടപ്പ്.
3 മാസത്തിനകം പ്രശ്നം പരിഹരിച്ചു് റിപ്പോര്ട്ട് നല്കണമെന്ന് റവന്യൂ അഡീഷണല് സെക്രട്ടറി, ജില്ലാ കളക്ടര് എന്നിവരോട് ഹൈക്കോതി ഉത്തരവിട്ടിരുന്നുവെങ്കിലും ഒന്നും സംഭവിച്ചില്ല.
പത്മിനിയും കുടുംബവും കടനാട് പഞ്ചായത്തിലെ 2-ാം വാര്ഡില് താമസിക്കാന് തുടങ്ങിയിട്ട് 50 വര്ഷമായി. എന്നാല് പഞ്ചായത്ത് രേഖകളില് പേരും വിലാസവും ഇല്ലെന്ന കാരണം പറഞ്ഞ് ശുചിമുറി പണിയാനുളള അപേക്ഷപോലും തളളിയെന്ന് പത്മിനി പറയുന്നു. 1998 ല് നിര്മ്മിച്ച വീട് ശോച്യാവസ്ഥയിലായിട്ട് നൂളുകളേറെയായി. വിധവയും ക്യാന്സര് രോഗിയുമാണ് പത്മിനി.