തൃശ്ശൂര് ജനുവരി 25: സംസ്ഥാനത്ത് ഫെബ്രുവരി നാലിന് സ്വകാര്യ ബസ്സുകള് പണിമുടക്കും. ബസ് ചാര്ജ്ജ് വര്ദ്ധിപ്പിക്കണമെന്ന് ആവശ്യപ്പെട്ടാണ് സമരം. വിദ്യാര്ത്ഥികളുടെ യാത്രാ നിരക്ക് വര്ദ്ധിപ്പിക്കുക, മിനിമം, ബസ് ചാര്ജ്ജ് 10 രൂപയാക്കുക തുടങ്ങിയ ആവശ്യങ്ങളാണ് ബസ് ഉടമകള് പ്രധാനമായും ഉന്നയിക്കുന്നത്.
വിഷയത്തില് സര്ക്കാര് ചര്ച്ചയ്ക്ക്പോലും തയ്യാറാകുന്നില്ലെന്ന് സംയുക്തസമിതി ആരോപിക്കുന്നു. വിദ്യാര്ത്ഥികളുടെ യാത്രാ നിരക്ക് ഒരു രൂപയില് നിന്ന് അഞ്ച് രൂപയാക്കണമെന്നാണ് ബസ് ഉടമകള് പറയുന്നത്. വിദ്യാര്ത്ഥികള്ക്ക് കണ്സെഷന് നല്കുന്നതിനുള്ള മാനദണ്ഡം പുതുക്കണമെന്നും ഇവര് ആവശ്യപ്പെടുന്നു.
