കല്പ്പറ്റ: ലോട്ടറി ടിക്കറ്റിലെ നമ്പര് തിരുത്തി പണം തട്ടിയയാളെ പോലീസ് പിടികൂടി . കോഴിക്കോട് കുറ്റിക്കാട്ടൂര് സ്വദേശി അബ്ബാസ് അലി(48)യെയാണ് കസ്റ്റഡിയിലെടുത്തത്. കല്പ്പറ്റ എസ്ഐ വിമല് ചന്ദ്രന്റെ നേതൃത്വത്തിലുളള പോലീസാണ് പിടികൂടിയത്. കഴിഞ്ഞ ദിവസം ഉച്ചയോടെയാണ് സംഭവം
കല്പ്പറ്റ ബീവറേജിന് സമീപം ലോട്ടറി ടിക്കറ്റ് വില്പ്പന നടത്തുന്ന വില്പ്പനക്കാരിയെ കബളിപ്പിച്ച് 5000 രൂപ കരസ്ഥമാക്കുകയായിരുന്നു. അതിനുശേഷം സ്കൂട്ടറില് ജില്ല വിടാന് ശ്രമിക്കവേ ലക്കിടിയില്നിന്നാണ് ഇയാളെ പിടികൂടിയത്
ലോട്ടറി ടിക്കറ്റിന്റെ അഞ്ചാമത്തെ അക്കം ചുരണ്ടി മാറ്റി മറ്റൊരു അക്കം ഒട്ടിച്ചുവച്ചായിരുന്നു തട്ടിപ്പ്. 5000 രൂപ സമ്മാനാര്ഹമായ ടിക്കറ്റായി കാണിച്ചാണ് പണം തട്ടിയെടുത്തത്.
