തിരുവനന്തപുരം നവംബര് 18: സംസ്ഥാനത്ത് സ്വകാര്യ ബസ് ഓപ്പറേറ്റേഴ്സ് കോര്ഡിനേഷന് കമ്മിറ്റിയുടെ നേതൃത്വത്തില് നവംബര് 22 മുതല് നടത്താനിരുന്ന സ്വകാര്യബസ് സമരം മാറ്റിവെച്ചു. ഗതാഗതമന്ത്രി എകെ ശശീന്ദ്രന് സ്വകാര്യ ബസുടമകളുമായി നടത്തിയ ചര്ച്ചയിലാണ് തീരുമാനം. ഡിസംബര് ആദ്യവാരം വീണ്ടും ചര്ച്ച നടത്തും.
കുറഞ്ഞ നിരക്ക് പത്ത് രൂപയാക്കുക, കുറഞ്ഞ നിരക്കില് സഞ്ചരിക്കാവുന്ന ദൂരം രണ്ടര കിലോമീറ്ററാക്കി കുറയ്ക്കുക, വിദ്യാര്ത്ഥികളുടെ കുറഞ്ഞ നിരക്ക് അഞ്ച് രൂപയാക്കുക തുടങ്ങിയവയാണ് സ്വകാര്യ ബസുടമകളുടെ ആവശ്യം. ആവശ്യങ്ങള് പഠിക്കാനായി കഴിഞ്ഞവര്ഷം സര്ക്കാര് ജസ്റ്റിസ് രാമചന്ദ്രന് കമ്മീഷനെ ചുമതലപ്പെടുത്തിയെങ്കിലും തുടര് നടപടി ഇല്ലാത്തതിനാലാണ് ബസുടമകള് സമരത്തിന് തീരുമാനിച്ചത്.
