തിരുവനന്തപുരം: വോട്ടെണ്ണലിന്റെ പൂര്ണ നിയന്ത്രണം കൈയിലെടുത്ത് മുഖ്യ തെരഞ്ഞെടുപ്പ് ഓഫീസര് ഡോ. രത്തന് യു. കേല്ക്കര്. പുലര്ച്ചെ സ്ട്രോംഗ് റൂമുകളുടെ തുറക്കല് അടക്കമുള്ള ജില്ലകളിലെ എല്ലാ വിവരങ്ങളും കണ്ട്രോള് റൂമുകളിലെ നിരീക്ഷണ കാമറകളിലൂടെ അറിയാനാകും. ജില്ലാ കളക്ടര്മാരുമായി ആവശ്യമായ ഘട്ടങ്ങളിലെല്ലാം സിഇഒ ബന്ധപ്പെടുന്നുണ്ട്. കേന്ദ്ര തെരഞ്ഞെടുപ്പു കമ്മീഷന്റെ സംശയങ്ങള്ക്കും ഇടയ്ക്കിടെ അദ്ദേഹം മറുപടി നല്കുന്നുണ്ട്. തിരുവനന്തപുരം പിഎംജിയിലെ തെരഞ്ഞെടുപ്പു കമ്മീഷന് ഓഫീസിലിരുന്നാണ് മുഖ്യ തെരഞ്ഞെടുപ്പ് ഓഫിസറുടെ നിയന്ത്രണം.
സുരക്ഷയുടെ ചുമതലയുള്ള സംസ്ഥാനത്തെ പോലീസ് നോഡല് ഓഫീസറുമായും കേന്ദ്ര സേനകളുടെ കോ -ഓര്ഡിനേറ്ററുമായും ക്രമസമാധാനം സംബന്ധിച്ച കാര്യങ്ങളും ചര്ച്ച ചെയ്യുന്നു. .തെരഞ്ഞെടുപ്പു കമ്മീഷന്റെ കണ്ട്രോള് റൂമില് ഓരോ വോട്ടെണ്ണല് കേന്ദ്രത്തിലേയും വിവരങ്ങള് ദൃശ്യങ്ങള് സഹിതം ലഭ്യമാണ്. ഒട്ടേറെ ഉദ്യോഗസ്ഥരേയും സാങ്കേതിക വിദഗ്ധരേയുമാണ് കണ്ട്രോള് റൂമുകളുടെ ചുമതല ഏൽപ്പിച്ചിട്ടുളളത്
.
