കോഴിക്കോട്: കോഴിക്കോട് റെയില്വേ സ്റ്റേഷനില് നിന്നും വന് സ്ഫോടക വസ്തുക്കള് പിടികൂടി. ചെന്നൈ- മംഗലാപുരം സൂപ്പര് ഫാസ്റ്റ് എക്സ്പ്രസില് നിന്നുമാണ് സ്ഫോടക വസ്തു കണ്ടെത്തിയത്. 117 ജലാറ്റിന്, 350 ഡിറ്റനേറ്റര് എന്നിവയാണ് പിടികൂടിയത്. 26/02/21 വെള്ളിയാഴ്ച പുലര്ച്ചെ നാല് മണിയോടെയാണ് സംഭവം.
സംഭവത്തില് സംശയാസ്പദമായ സാഹചര്യത്തില് കണ്ടെത്തിയ യാത്രക്കാരിയെ കസ്റ്റഡിയില് എടുത്തു. ചെന്നൈയില് നിന്നും തലശ്ശേരിയിലേക്ക് പോകുകയായിരുന്ന യാത്രക്കാരിയെ ആണ് പിടികൂടിയത്. സീറ്റിന് അടിയില് നിന്നുമാണ് സ്ഫോടക വസ്തു കണ്ടെത്തിയത്. ചെന്നൈ സ്വദേശിയായ യാത്രക്കാരിയാണ് കസ്റ്റഡിയില് ഉള്ളത്.
