പേട്ടയില് രണ്ട് വയസുകാരിയെ തട്ടിക്കൊണ്ടുപോയ കേസില് പ്രതി പിടിയില്. കൊല്ലത്തുനിന്നുമാണ് ഇയാള് പിടിയിലായത്. മലയാളിയാണ് ഇയാളെന്ന് സൂചനയുണ്ട്. നിരവധി കേസുകളില് പ്രതിയാണ് .
സി സി ടി വി കേന്ദ്രീകരിച്ച് നടത്തിയ അന്വേഷണത്തിലാണ് പേട്ട പോലീസ് പ്രതിയെ കസ്റ്റഡിയിലെടുത്തത്. തിരുവനന്തപുരം ഡി സി പി നിധിന് രാജിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്. ആറ് മണിക്ക് കമ്മീഷണര് മാധ്യമങ്ങളെ കാണും.
ഫെബ്രുവരി 19ന് പുലര്ച്ചെയാണ് നാടോടി ദമ്പതികളായ ഹൈദരാബാദ് സ്വദേശികളുടെ മകളെ കാണാതായത്. സഹോദരങ്ങള്ക്കൊപ്പം ഉറങ്ങിക്കിടന്ന രണ്ടു വയസുകാരിയെ കാണാതാകുകയായിരുന്നു. രണ്ടുപേര് ചേര്ന്നാണ് കുട്ടിയെ തട്ടിക്കൊണ്ടുപോയതെന്നാണു സംശയിച്ചിരുന്നത്. കുട്ടിയെ പിന്നീട് ഓടയില് ഉപേക്ഷിച്ച നിലയില് കണ്ടെത്തിയിരുന്നു
