തിരുവനന്തപുരം: ഗുജറാത്ത് കലാപം പ്രമേയാക്കി ബിബിസി തയാറാക്കിയ ‘ഇന്ത്യ – ദി മോഡി ക്വസ്റ്റ്യന്’ എന്ന ഡോക്യുമെന്ററി കേരളത്തില് പ്രദര്ശിപ്പിക്കാന് അനുവദിക്കരുതെന്നവശ്യപ്പെട്ട് ബിജെപി സംസ്ഥാന അദ്ധ്യക്ഷന് കെ സുരേന്ദ്രന് മുഖ്യമന്ത്രി പിണറായി വിജയന് പരാതി നല്കി. ഇന്ത്യയുടെ ജനാധിപത്യത്തെയും സുപ്രീംകോടതിയെയും അപമാനിക്കുന്നതാണ് ഡോക്യുമെന്ററി. ഇന്ത്യയുടെ ഐക്യവും അഖണ്ഡതയും അപകടപ്പെടുത്താനുള്ള വിദേശനീക്കങ്ങള്ക്ക് കൂട്ടുനില്ക്കുന്നതിന് തുല്യമാണ് ഡോക്യുമെന്ററിയുടെ പ്രദര്ശനം അനുവദിക്കുന്നതെന്ന് ബിജെപി പരാതിയില് പറയുന്നു. ഇക്കാര്യത്തില് മുഖ്യമന്ത്രിയുടെ അടിയന്തരമായ ഇടപെടല് ആവശ്യമാണ്. രണ്ടു ദശകം മുമ്പ് നടന്ന ദൗര്ഭാഗ്യകരമായ സംഭവങ്ങള് വീണ്ടും ഓര്മിപ്പിക്കുന്നത് മതസ്പര്ധ വളര്ത്താന് ലക്ഷ്യമിട്ടാണെന്നത് വ്യക്തമാണ്. കേരളത്തിന്റെ സമാധാന അന്തരീക്ഷം തകര്ക്കുവാനായി ബോധപൂര്വ്വം ചിലര് നടത്തുന്ന ഇത്തരം രാജ്യദ്രോഹ പ്രവര്ത്തനങ്ങള് മുളയിലേ നുള്ളേണ്ടതുണ്ടെന്നും’ കെ സുരേന്ദ്രന് മുഖ്യമന്ത്രിക്ക് നല്കിയ പരാതിയില് ആവശ്യപ്പെട്ടു.
റിപ്പോര്ട്ട്
ന്യൂസ് ഡെസ്ക്
