ന്യൂഡൽഹി: ഒമിക്രോണ് വ്യാപനം വർധിക്കുന്ന സാഹചര്യത്തിൽ രാജ്യതലസ്ഥാനത്ത് ജാഗ്രത വർധിപ്പിക്കുന്നു. ഒമിക്രോൺ ജാഗ്രതയുടെ പശ്ചാത്തലത്തില് ദില്ലിയിൽ രാത്രി കർഫ്യൂ പ്രഖ്യാപിച്ചു. രാത്രികാല കര്ഫ്യൂ നിലവില് വരും. രാത്രി 11 മുതൽ പുലർച്ചെ 5 മണി വരെയാണ് കടുത്ത നിയന്ത്രണം. അയല് സംസ്ഥാനങ്ങളായ ഹരിയാന, യുപി എന്നിവയ്ക്ക് പിന്നാലെയാണ് ദില്ലിയും രാത്രി നിയന്ത്രണം ഏര്പ്പെടുത്തുന്നത്.
പുതുവല്സര ആഘോഷങ്ങള് ഉള്പ്പെടെ വരും ദിവസങ്ങളില് നടക്കാനിരിക്കെയാണ് കര്ഫ്യൂ പ്രഖ്യാപിക്കുന്നത്. പുതിയ കൊവിഡ് വകഭേദം ഒമിക്രോണ് മൂലമുള്ള രോഗബാധ വര്ധിക്കുന്ന സാഹചര്യത്തില് രണ്ട് ദിവസങ്ങള്ക്ക് മുന്പ് തന്നെ ദില്ലി സര്ക്കാര് ക്രിസ്മസിനും ന്യൂ ഇയറിനും കൂട്ടം കൂടുന്നത് നിരോധിച്ചിരുന്നു. എല്ലാ ആഘോഷ പരിപാടികളും ഒഴിവാക്കണമെന്നായിരുന്നു ദില്ലി ഡിസാസ്റ്റര് മാനേജ്മെന്റ് അതോറിറ്റി അറിയിച്ചിട്ടുണ്ട്.
