പയ്യന്നൂർ: സൗരയൂഥത്തിലെ ചുവന്ന ഗ്രഹമായ ചൊവ്വ ഭൂമിയോട് കൂടുതല് അടുത്തെത്തുന്നു. 6-10 -2020 ചൊവ്വാഴ്ച വൈകിട്ട് ആറിനാണ് ഭൂമിയോട് ഏറ്റവും അടുക്കുക. രാവിലെ അഞ്ച് വരെ കാണാം. ഭൂമിയില് നിന്ന് 62,170,871 കിലോമീറ്റര് അകലത്തിലായിരിക്കും ചുവന്ന ഗ്രഹം.
ചന്ദ്രന്റെ തൊട്ടുമുകളിൽ പടിഞ്ഞാറ് ആയിരിക്കും ചൊവ്വയുടെ സ്ഥാനം. രാത്രി എട്ടോടെയാണ് നിരീക്ഷിക്കാന് കഴിയുന്ന ഉയരത്തിലെത്തുക. മുൻ കാലത്തേക്കാൾ വ്യക്തമായി ചൊവ്വയെ കാണാന് കഴിയുമെന്ന് പയ്യന്നൂര് വാനനിരീക്ഷണ കേന്ദ്രം ഡയറക്ടര് ഗംഗാധരന് വെള്ളൂര് അറിയിച്ചു.
ഡിസംബര് വരെ ചൊവ്വയുടെ പടിഞ്ഞാറുവശത്ത് വ്യാഴത്തെയും ശനിയെയും കാണാന് കഴിയും. നല്ല തിളക്കമുള്ളത് വ്യാഴവും അതിന്റെ തൊട്ടുമുകളിലുള്ളത് ശനിയുമായിരിക്കും.
