കൊച്ചി: ചെല്ലാനത്ത് ബസ് ഇടിച്ച് എട്ടു വയസുകാരന് മരിച്ച് സംഭവത്തില് പ്രതിഷേധവുമായി നാട്ടുകാര്. ബസ് ഡ്രൈവറെ അറസ്റ്റ് ചെയ്യണമെന്ന് ആവശ്യപ്പെട്ട് നാട്ടുകാര് സ്വകാര്യ ബസ് തടഞ്ഞ് പ്രതിഷേധിച്ചു.2026 ജനുവരി 30ന് ആയിരുന്നു ബൈക്കിനെ ഓവര്ടേക്ക് ചെയ്യുന്നതിനിടെ നിയന്ത്രണം വിട്ട ബസിച്ച് എനോയ് ജൂഡ് എന്ന വിദ്യാര്ഥി മരിച്ചത്. എന്നാല് ബസ് ഡ്രൈവറെ ഇതുവരെ അറസ്റ്റ് ചെയ്തിട്ടില്ല. ഇതിനെ തുടര്ന്നാണ് നാട്ടുകാര് പ്രതിഷേധവുമായി രംഗത്തെത്തിയത്.
ചൊവ്വാഴ്ച രാവിലെ 11ന് ഉള്ളില് ബസ് ഡ്രൈവറെ അറസ്റ്റ് ചെയ്തിട്ടില്ലെങ്കില് വാഹനം പൂർണമായി തടയും
സ്വകാര്യ ബസുകള് തടഞ്ഞാണ് നാട്ടുകാര് പ്രതിഷേധിച്ചത്. തുടര്ന്ന് ചര്ച്ചകള്ക്കൊടുവില് സ്വകാര്യ ബസുകള് കടത്തിവിട്ടു തുടങ്ങി. എന്നാല് ചൊവ്വാഴ്ച രാവിലെ 11ന് ഉള്ളില് ബസ് ഡ്രൈവറെ അറസ്റ്റ് ചെയ്തിട്ടില്ലെങ്കില് ബസ് മാത്രമല്ല, ഒരു വാഹനങ്ങളും കടത്തിവിടാന് സമ്മതിക്കില്ല എന്നാണ് പ്രതിഷേധക്കാര് പറയുന്നത്. നിലവില് പ്രതിഷേധം അവസാനിപ്പിച്ചിട്ടുണ്ട്.
മരിച്ച എനോയ് ജൂഡിന്റെ കുടുംബത്തിന് നീതി ഉറപ്പാക്കണമെന്ന് ഡിസിസി പ്രസിഡന്റ് മുഹമ്മദ് ഷിയാസ്
.
അതേസമയം, മരിച്ച എനോയ് ജൂഡിന്റെ കുടുംബത്തിന് നീതി ഉറപ്പാക്കണമെന്ന് ആവശ്യപ്പെട്ട് ചെല്ലാനത്ത് കഴിഞ്ഞ ദിവസം പ്രതിഷേധ സംഗമം നടത്തിയിരുന്നു. ഡിസിസി പ്രസിഡന്റ് മുഹമ്മദ് ഷിയാസ് ആയിരുന്നു സംഗമം ഉദ്ഘാടനം ചെയ്തത്. മുഹമ്മദ് ഷിയാസ് എനോയ് ജൂഡിന്റെ വീട് സന്ദര്ശിക്കുകയും നീതി ലഭിക്കുന്നതു വരെ കൂടെയുണ്ടാവുമെന്നും ഉറപ്പ് നല്കുകയും ചെയ്തിരുന്നു.
.
