.
കോഴിക്കോട്: ഇന്റേണല് മാര്ക്കിന്റെ പേരില് വിദ്യാർത്ഥിനിയെ ഭീഷണിപ്പെടുത്തി പീഡിപ്പിച്ചെന്ന പരാതിയിൽ അധ്യാപകന് അറസ്റ്റില്.കോഴിക്കോട് ചാത്തമംഗലം എന്ഐടിയില് ടീച്ചിംഗ് അസിസ്റ്റന്റായ പാലക്കാട് സ്വദേശി വിഷ്ണു (32) ആണ് അറസ്റ്റിലായത്. 2025 ഏപ്രില് മുതല് വിവിധ ദിവസങ്ങളിലായി വിദ്യാർഥിനിയെ ഭീഷണിപ്പെടുത്തി അദ്ധ്യാപകൻ കെട്ടാങ്ങലിലെ ഹൗസിംഗ് കോംപ്ലക്സിലും കോഴിക്കോട് പൊറ്റമ്മലിലും വച്ച് പീഡിപ്പിച്ചെന്നാണ് പരാതി.
നഗ്ന ഫോട്ടോകള് സമൂഹ മാധ്യമങ്ങള് വഴി പ്രചരിപ്പിക്കുമെന്ന് ഭീഷണി
പെണ്കുട്ടിയുടെ പരാതിയില് കേസ് രജിസ്റ്റര് ചെയ്ത പോലീസ്, കളന്തോട് വച്ചാണ് വിഷ്ണുവിനെ അറസ്റ്റ് ചെയ്തത്. വിദ്യാർഥിനിയുടെ നഗ്ന ഫോട്ടോകള് പകര്ത്തി സമൂഹ മാധ്യമങ്ങള് വഴി പ്രചരിപ്പിക്കുമെന്ന് ഭീഷണിപ്പെടുത്തിയതായും വിദ്യാർഥിനി പരാതിയില് പറയുന്നു


