ന്യൂഡല്ഹി: ഡൽഹിയിലേയ്ക്ക് കണ്ണുംനട്ട് കേരളം. ഇന്ന് തന്നെ മുഖ്യമന്ത്രിയെ പ്രഖ്യാപിക്കുമെന്ന പ്രതീക്ഷയിലാണ് കേരളം. കോണ്ഗ്രസ് അധ്യക്ഷന് മല്ലികാര്ജുന് ഖാർഗെയും രാഹുൽ ഗാന്ധിയും തമ്മിലുള്ള നിർണായക കൂടിക്കാഴ്ച ഇന്ന് അഞ്ചരയ്ക്ക് നടക്കും.കേരളത്തിന്റെ ചുമതലയുള്ള ദീപാദാസ് മുന്ഷി കേരളത്തിലേക്ക് തിരിച്ചു. വൈകുന്നേരം ഏഴോടെ ദീപാദാസ് മുന്ഷി തിരുവനന്തപുരത്ത് എത്തും.
കഴിഞ്ഞ ദിവസം കോണ്ഗ്രസിന്റെ മുന് കെപിസിസി അധ്യക്ഷന്മാരെ ഡല്ഹിയിലേക്ക് വിളിപ്പിച്ചിരുന്നു
കഴിഞ്ഞ ദിവസം കോണ്ഗ്രസിന്റെ മുഖ്യമന്ത്രി ചര്ച്ചയുടെ ഭാഗമായി മുന് കെപിസിസി അധ്യക്ഷന്മാരെ ഡല്ഹിയിലേക്ക് വിളിപ്പിച്ചിരുന്നു. കെ. മുരളീധരൻ, കെ. സുധാകരൻ, മുല്ലപ്പള്ളി രാമചന്ദ്രൻ, എം.എം. ഹസൻ എന്നിവരെയാണ് വിളിപ്പിച്ചത്. കെപിസിസി വര്ക്കിംഗ് പ്രസിഡന്റുമാരായ
ഷാഫി പറമ്പില്, എ.പി. അനിൽകുമാർ, പി.സി. വിഷ്ണുനാഥ് എന്നിവരെയും ഡല്ഹിയിലേക്ക് വിളിപ്പിച്ചിരുന്നു.
ഡല്ഹിയില് നിന്നുള്ള തീരുമാനം കാത്തിരിക്കുകയാണെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി
അതേസമയം മുഖ്യമന്ത്രിയെ സംബന്ധിച്ച് ഡല്ഹിയില് നിന്നുള്ള തീരുമാനം കാത്തിരിക്കുകയാണെന്ന് മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി പറഞ്ഞു. അതിന് ശേഷം എന്താണെന്നുള്ളത് തീരുമാനിക്കുമെന്നും ബാക്കി കാര്യങ്ങള് ആലോചിച്ച് അറിയിക്കുമെന്നും കുഞ്ഞാലിക്കുട്ടി പറഞ്ഞു. മുസ്ലിം ലീഗ് നേതൃയോഗത്തിന് ശേഷം പ്രതികരിക്കുകയായിരുന്നു കുഞ്ഞാലിക്കുട്ടി.
