വിഴിഞ്ഞം (തിരുവനന്തപുരം): സാമൂഹ്യമാധ്യമത്തിലൂടെ പരിചയപ്പെട്ട ഒമ്പതാം ക്ലാസുകാരിയെ ഓട്ടോറിക്ഷയ്ക്കുള്ളില്വെച്ച് പീഡിപ്പിക്കാന് ശ്രമിച്ച സംഭവത്തില് യുവാവ് അറസ്റ്റില്. ഓട്ടോറിക്ഷാ ഡ്രൈവറായ കുന്നത്തുകാല്കുഴിവിളയില് സുജിത് (23) ആണ് പോലീസിന്റെ പിടിയിലായത്. വെങ്ങാനൂര് മേഖലയില് ഓട്ടോറിക്ഷ ഓടിക്കുന്നയാളാണ് സുജിത്.വിദ്യാര്ഥിനിയുടെ അമ്മ നല്കിയ പരാതിയുടെ അടിസ്ഥാനത്തില് വിഴിഞ്ഞം എസ്എച്ച്ഒ ആര്. പ്രകാശിന്റെ നേതൃത്വത്തിലുള്ള പോലീസ് സംഘമാണ് യുവാവിനെ അറസ്റ്റ് ചെയ്തത്. . കോടതിയില് ഹാജരാക്കിയ പ്രതിയെ റിമാന്ഡ് ചെയ്തു
സാമൂഹ്യമാധ്യമത്തിലൂടെയുള്ള പരിചയം ഉപയോഗിച്ച് കുട്ടിയെ ഓട്ടോറിക്ഷയില് കയറ്റിയ ശേഷമാണ് ഇയാള് പീഡനശ്രമം നടത്തിയത്. കഴിഞ്ഞ നാലുമാസമായി ഇയാള് വിദ്യാര്ഥിനിയോട് മോശം പെരുമാറ്റം നടത്തുന്നുണ്ടെന്ന് വിവരം ലഭിച്ചിട്ടുണ്ടെന്നും പോലീസ് വ്യക്തമാക്കി.
