പന്തളം : ‘എല്ലാവരും ബഹുമാനിക്കുന്ന, നായർ സമുദായത്തിലെ വ്യക്തിയായതു കൊണ്ടാണ് രമേശ് ചെന്നിത്തലയെ എൻഎസ്എസ് ആസ്ഥാനത്തേയ്ക്ക് ക്ഷണിച്ചതെന്ന് എൻഎസ്എസ് ജനറല് സെക്രട്ടറി ജി സുകുമാരൻ നായർ. പന്തളത്ത് ഉദ്ഘടന ചടങ്ങിനെത്തിയപ്പോള് രമേശ് ചെന്നിത്തലയെ എൻഎസ്എസ് ആസ്ഥാനത്തേയ്ക്ക് ക്ഷണിച്ചതുമായി ബന്ധപ്പെട്ടുള്ള മാധ്യമങ്ങളുടെ ചോദ്യങ്ങള്ക്ക് മറുപടി നല്കുകയായിരുന്നു സുകുമാരൻ നായർ
രമേശ് ചെന്നിത്തലയ്ക്കും മുഖ്യമന്ത്രിയാകാൻ യോഗ്യതയുണ്ട് എന്നാണ് പറഞ്ഞത്
രമേശ് ചെന്നിത്തല മുഖ്യമന്ത്രിയാകാൻ യോഗ്യനെന്ന് ജി സുകുമാരൻ നായർ പറഞ്ഞു. എന്നാൽ ചെന്നിത്തല മാത്രം മുഖ്യമന്ത്രിയാകാൻ യോഗ്യതയുള്ള ആള് എന്ന് താൻ പറഞ്ഞിട്ടില്ല. രമേശ് ചെന്നിത്തലയ്ക്കും മുഖ്യമന്ത്രിയാകാൻ യോഗ്യതയുണ്ട് എന്നാണ് പറഞ്ഞത് . അതുകൊണ്ട് മറ്റുള്ളവർക്ക് മുഖ്യമന്ത്രിയാകാൻ യോഗ്യതയില്ല എന്ന് താൻ പറയില്ല.
മുഖ്യമന്ത്രി ആരാകണമെന്ന് കോണ്ഗ്രസ് ആലോചിച്ച് തീരുമാനിക്കട്ടെ,
‘ സുകുമാരൻ നായർ പറഞ്ഞു.’എൻഎസ്എസ് ആസ്ഥാനത്തേക്ക് രമേശ് ചെന്നിത്തലയെ ക്ഷണിച്ചത് എനിക്ക് ബോധ്യം ഉള്ളതുകൊണ്ടാണ്, ബോധ്യം ഉള്ള കാര്യമേ ചെയ്യുകയുളളൂ. മുഖ്യമന്ത്രി ആരാകണമെന്ന് കോണ്ഗ്രസ് ആലോചിച്ച് തീരുമാനിക്കട്ടെ, എനിക്കും പ്രസ്ഥാനത്തിനും രാഷ്ട്രീയമില്ല’ എന്നും സുകുമാരൻ നായർ വ്യക്തമാക്കി.
