മാനന്തവാടി: നാഗര്ഗോള ദേശീയ ഉദ്യാന പരിധിയിലൂടെ കടന്നു പോകുന്ന അന്തര് സംസ്ഥാന വാഹനങ്ങള്ക്ക് പ്രവേശന ഫീസ് ഈടാക്കാന് കര്ണാടക വനം വന്യജീവി വകുപ്പ് നിര്ദ്ദേശം നല്കി.
ചെറു വാഹനങ്ങള്ക്ക് 20 രൂപയും ലോറി, ബസ് എന്നിവക്ക് 50 രൂപയുമാണ് പ്രവേശന ഫീസ്. 30 ന് ഇറക്കിയ ഉത്തരവ് പ്രകാരം ഇന്നലെ മുതല് ഫീസ് ഈടാക്കി. കേരളത്തില്നിന്നു നാഗര്ഹോള വനമേഖല വഴി കര്ണാടകയിലേക്ക് പ്രവേശിക്കുന്ന ബാവലിയിലും മറ്റു പ്രവേശന ചെക്ക് പോസ്റ്റുകളായ നാണച്ചി, ഉദ്ദൂര്, കാര്മാട്, കല്ലിഹട്ടി, വീരന ഹോസെ ഹള്ളി, അനചൗക്കൂര് ചെക് പോസ്റ്റുകളിലും പ്രവേശന ഫീസ് ഈടാക്കി.
