ന്യൂ ഡൽഹി: ഉപരാഷ്ട്രപതി സി പി രാധാകൃഷ്ണൻ 2026 മെയ് 29 മുതൽ 31 വരെ കർണാടക, ഗോവ, കേരളം എന്നിവിടങ്ങളിൽ മൂന്ന് ദിവസത്തെ സന്ദർശനം നടത്തും. മെയ് 29 ന് കർണാടകയിലെ ബെംഗളൂരുവിൽ ആർട്ട് ഓഫ് ലിവിംഗ് ഫൗണ്ടേഷന്റെ 45-ാം വാർഷികാഘോഷത്തിൽ ഉപരാഷ്ട്രപതി പങ്കെടുക്കും. തുടർന്ന്, കർണാടകയിലെ ദാവണഗെരെയിലുള്ള യൂണിവേഴ്സിറ്റി ബിഡിടി കോളേജ് ഓഫ് എഞ്ചിനീയറിംഗിന്റെ പ്ലാറ്റിനം ജൂബിലി ആഘോഷങ്ങളിലും അദ്ദേഹം പങ്കെടുക്കും.
മെയ് 30 ന് ഗോവയിൽ
മെയ് 30 ന്, ഉപരാഷ്ട്രപതി പനാജിയിൽ ഗോവയുടെ സംസ്ഥാന രൂപീകരണ ദിനാഘോഷങ്ങളിൽ പങ്കെടുക്കും. തുടർന്ന്, അദ്ദേഹം ഗോവയിലെ സിഎസ്ഐആർ–നാഷണൽ ഇൻസ്റ്റിറ്റ്യൂട്ട് ഓഫ് ഓഷ്യാനോഗ്രഫി സന്ദർശിക്കും.
മെയ് 31 ന് ശ്രീ ക്ഷേത്ര ധർമ്മസ്ഥല മഞ്ജുനാഥ സ്വാമി ക്ഷേത്രം സന്ദർശിക്കും
മെയ് 31 ന് ഉപരാഷ്ട്രപതി ശ്രീ ക്ഷേത്ര ധർമ്മസ്ഥല മഞ്ജുനാഥ സ്വാമി ക്ഷേത്രം സന്ദർശിക്കുകയും തുടർന്ന് കർണാടകയിലെ ബെൽത്തങ്ങാടിയിൽ സിരി വ്യവസായ പാർക്ക് ഉദ്ഘാടനം ചെയ്യുകയും ചെയ്യും.
കേരളത്തിൽ
തുടർന്ന് കോട്ടയത്ത് ദീപിക മലയാളം ദിനപത്രത്തിന്റെ 140-ാമത് സ്ഥാപക വാർഷികാഘോഷങ്ങൾ ഉദ്ഘാടനം ചെയ്യുന്നതിനായി ഉപരാഷ്ട്രപതി കേരളം സന്ദർശിക്കും. .തുടർന്ന് രാജ്യസഭാ എംപി സി. സദാനന്ദൻ മാസ്റ്റർ സംഘടിപ്പിക്കുന്ന സ്വകാര്യ ചടങ്ങിൽ പങ്കെടുക്കാൻ അദ്ദേഹം കണ്ണൂരിലേക്കുപോകും
