ധാക്ക ഡിസംബര് 16: രാജ്യത്ത് അനധികൃതമായി താമസിക്കുന്ന ബംഗ്ലാദേശ് പൗരന്മാരുടെ പട്ടിക ആവശ്യപ്പെട്ട് ബംഗ്ലാദേശ് വിദേശകാര്യമന്ത്രി എകെ അബ്ദുള് മോമെന്. പട്ടികയിലുള്ളവരെ തിരികെ സ്വീകരിക്കുമെന്നും മോമെന് വ്യക്തമാക്കി. ഇന്ത്യയിലേക്കുള്ള സന്ദര്ശനം റദ്ദാക്കിയതിന് പിന്നാലെയാണ് വിദേശകാര്യമന്ത്രിയുടെ പ്രഖ്യാപനം. സന്ദര്ശനം റദ്ദാക്കിയത് പൗരത്വ ഭേദഗതി നിയമം അല്ലെന്നും മറ്റ് തിരക്കുളാണെന്നും മോമെന് അറിയിച്ചതായി ദേശീയ മാധ്യമം റിപ്പോര്ട്ട് ചെയ്തു.
പൗരത്വ ഭേദഗതി ഇന്ത്യയുടെ ആഭ്യന്തര വിഷമാണെന്നും മോമെന് പറഞ്ഞു. ഇന്ത്യയില് അനധികൃതമായി താമസിക്കുന്ന ബംഗ്ലാദേശ് പൗരന്മാര് ഉണ്ടെങ്കില് അവര്ക്ക് സ്വന്തം രാജ്യത്തേക്ക് എത്തുന്നതില് ബുദ്ധിമുട്ടില്ലെന്നും അവരെ സ്വീകരിക്കുമെന്നും മോമെന് കൂട്ടിച്ചേര്ത്തു.
