ഇംഫാല്‍: മണിപ്പുരില്‍ പീപ്പിള്‍സ് ലിബറേഷൻ ആർമി സംഘടനയില്‍പ്പെട്ട എൻ. പ്രിയോ സിംഗ്, എസ്.ദേവ്‌ജിത് സിംഗ് (21) എന്നീ തീവ്രവാദികളെ അറസ്റ്റ് ചെയ്തു. ടെഗ്നൗപാല്‍ ജില്ലയിൽ ആസാം റൈഫിള്‍സ് സംഘമാണ് ഇവരെ പിടികൂടിയത്. തുടർന്ന് പോലീസിനു കൈമാറി.
പ്രിപാക് സംഘടനയില്‍പ്പെട്ട ഒരാളെയും വെള്ളിയാഴ്ച സുരക്ഷാസേന പിടികൂടിയിരുന്നു
ഒക്ടോബർ 25 വെള്ളിയാഴ്ച പ്രിപാക്(പ്രോ) സംഘടനയില്‍പ്പെട്ട റോബർട്ട് ലാല്‍ഹാഹ്ദം എന്നയാളെ സുരക്ഷാസേന പിടികൂടിയിരുന്നു. ഇയാളുടെ പക്കല്‍നിന്ന് ഒരു റൈഫിള്‍ പിടിച്ചെടുത്തു. ചുരാചന്ദ്പുർ ജില്ലയിലെ തേയിജംഗ് ഗ്രാമത്തില്‍ സുരക്ഷാസേന നടത്തിയ തെരച്ചിലില്‍ അഞ്ചു റൈഫിളുകള്‍, ഒരു നാടൻ മോർട്ടാർ, നാലു ഡിറ്റനേറ്ററുകള്‍, രണ്ടു ഗ്രനേഡുകള്‍ എന്നിവ കണ്ടെടുത്തു.
