കോട്ടയം: അടിമാലി ആനച്ചാല് ആദിവാസി കോളനിയിലെ മോഹനൻ ( 35 ) ആണ് വഴിയോരത്തെ ഓടയിൽ മരിച്ചത്. സംഭവത്തിൽ ദുരൂഹതയുള്ളതായി നാട്ടുകാർ പറയുന്നു. ഇയാളുടെ വീടിന് അല്പം ദൂരെ മാറി ആളൊഴിഞ്ഞ ആനച്ചാൽ – മന്നാ ക്കുടി റോഡിന്റെ ഓടയിലാണ് ജഡം കണ്ടത്.
ചൊവ്വാഴ്ച രാവിലെ ആറരയോടെ വഴി യാത്രക്കാരാണ് മൃതദ്ദേഹം കണ്ടെത്തിയത്. മൃതദേഹം കണ്ട സ്ഥലത്തിന് ഏതാനും മീറ്റർ അകലെ വാഹനത്തിന്റെ ടയർ പാടുകൾ പോലീസ് കണ്ടെത്തി. വിരലടയാള വിദഗ്ധരും , ഡോഗ് സ്ക്വാഡും സ്ഥലത്തെത്തി തെളിവെടുപ്പ് നടത്തി.
മൃതദേഹം കോട്ടയം മെഡിക്കൽ കോളജ് ആശുപത്രിയിലെത്തിച്ച് കോവിഡ് പരിശോധനയ്ക്ക് ശേഷം പോസ്റ്റ്മോർട്ടം നടത്തി ബന്ധുക്കൾക്ക് വിട്ടു നൽകി. പോസ്റ്റ് മോര്ട്ടം റിപ്പോർട്ട് ലഭിച്ചാൽ മാത്രമേ മരണകാരണം വ്യക്തമാകൂവെന്ന് പോലീസ് പറഞ്ഞു.
