തിരുവനന്തപുരം: ബംഗാള് ഉള്കടലില് ഈ വര്ഷത്തെ ആദ്യ ന്യൂന മര്ദം രൂപപ്പെട്ടു. അടുത്ത രണ്ട് ദിവസത്തിനുള്ളില് ശക്തി പ്രാപിക്കുന്ന ന്യൂന മര്ദം ജനുവരി 30,31 ഓടെ ശ്രീലങ്ക തീരത്തേക്ക് നീങ്ങാന് സാധ്യതയുണ്ട്. നിലവിലെ നിഗമന പ്രകാരം ഈ മാസം അവസാനവും ഫെബ്രുവരി ആദ്യവും തെക്കന് കേരളത്തില് മഴക്ക് സാധ്യതയുണ്ട്. സംസ്ഥാനത്ത് കഴിഞ്ഞ ദിവസം ഒറ്റപ്പെട്ട മഴ കിട്ടിയിരുന്നു. തെക്കന് കേരളത്തിനാണ് കൂടുതല് മഴ കിട്ടിയത്. ഒറ്റപ്പെട്ട മഴ മധ്യ കേരളത്തിലും വടക്കന് ജില്ലകളുടെ കിഴക്കന് മലമേഖലകളിലും കിട്ടി. മഡഗാസ്കറിനു സമീപം കഴിഞ്ഞ ദിവസമുണ്ടായ ചുഴലിക്കാറ്റും തുടര്ന്നുള്ള അന്തരീക്ഷസ്ഥിതിയുമാണ് മഴയ്ക്ക് സാഹചര്യം ഒരുക്കിയത്. കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു.
റിപ്പോര്ട്ട്
ന്യൂസ് ഡെസ്ക്
