ബെംഗളൂരു | തീവ്രവാദ കേസില് ജയിലില് കഴിയുന്ന തടിയന്റവിട നസീറിന് സഹായം നല്കിയ ഡോക്ടറും പോലീസുകാരനുമടക്കം മൂന്ന് പേരെ എന്ഐഎ അറസ്റ്റ് ചെയ്തു. ജയില് മനോരോഗ വിദഗ്ധന് ഡോക്ടര് നാഗരാജ്, എഎസ്ഐ ചാന്ദ് പാഷ, അനീസ ഫാത്തിമ എന്നിവരാണ് അറസ്റ്റിലായത്.തടിയന്റവിട നസീറിന് ജയിലിലേക്ക് ഫോണ് ഒളിച്ചു കടത്തി എത്തിച്ചു നല്കിയതിനാണ് ഡോക്ടര് നാഗരാജിനെ അറസ്റ്റ് ചെയ്തത്. പരപ്പന അഗ്രഹാര ജയിലിലെ സൈക്യാട്രിസ്റ്റ് ആണ് ഡോ. നാഗരാജ്.
തടിയന്റെവിട നസീറിന് വിവരങ്ങള് കൈമാറുകയും പണം ജയിലില് എത്തിച്ചു നല്കുകയും ചെയ്തു
നസീറിനെ വിവിധ കോടതികളിലേക്ക് എത്തിക്കുന്നതിന്റെ വിവരങ്ങള് കൈമാറിയതിനാണ് സിറ്റി ആംഡ് റിസര്വിലെ എഎസ്ഐ ചാന്ദ് പാഷയെ അറസ്റ്റ് ചെയ്തത്. വിവിധ തീവ്രവാദ കേസുകളില് പ്രതിയായ ജുനൈദ് അഹമ്മദിന്റെ മാതാവ് അനീസ് ഫാത്തിമയാണ് അറസ്റ്റിലായ മറ്റൊരാള്. തടിയന്റെവിട നസീറിന് വിവരങ്ങള് കൈമാറുകയും പണം ജയിലില് എത്തിച്ചു നല്കുകയും ചെയ്തു എന്ന് കണ്ടെത്തിയതിനെ തുടര്ന്നാണ് ഇവരുടെ അറസ്റ്റ്.
.
