കൊച്ചി: വൈറ്റിലയില് വീട്ടുജോലിക്കാരിയെ പീഡിപ്പിച്ച കേസില് ഹോര്ട്ടികോര്പ്, ഫാമിങ് കോപറേഷന് തുടങ്ങിയവയുടെ മുന് എം.ഡി കെ.ശിവപ്രസാദ് കീഴടങ്ങി. നവംബർ 9 ശനിയാഴ്ച രാവിലെ കൊച്ചി സൗത്ത് എ.സി.പി മുന്പാകെയാണ് ശിവപ്രസാദ് കീഴടങ്ങിയത്. മുന്കൂര് ജാമ്യാപേക്ഷ കഴിഞ്ഞദിവസം കോടതി തള്ളിയതിനെ തുടർന്ന് കീഴടങ്ങാൻ നിർബന്ധിതനാവുകയായിരുന്നു. പൊലീസ് സ്റ്റേഷനില് ദേഹാസ്വാസ്ഥ്യം പ്രകടിപ്പിച്ച ശിവപ്രസാദിനെ ആശുപത്രിയില് പ്രവേശിപ്പിച്ചു.
വീട്ടില് പൂട്ടിയിട്ടിരുന്ന യുവതിയെ പൊലീസ് എത്തിയാണ് രക്ഷിച്ചത്.
2024 ഒക്ടോബര് 15നാണ് ഒഡിഷക്കാരിയായ യുവതി പീഡനത്തിനിരയായത്. തന്നെ വീട്ടില് പൂട്ടിയിട്ടിരിക്കുന്ന വിവരം വീട്ടുജോലിക്കാരി സുഹൃത്തിനെ അറിയിച്ചതോടെയാണ് സംഭവം പുറംലോകം അറിഞ്ഞത്. തുടർന്ന് പൊലീസ് എത്തി രക്ഷിക്കുകയും യുവതിയെ വൈദ്യപരിശോധനയ്ക്ക് വിധേയമാക്കുകയും ചെയ്തു. ഈ ഘട്ടത്തിലാണ് വീട്ടുടമയായ ശിവപ്രസാദ് തന്നെ പീഡിപ്പിച്ചു എന്ന് യുവതി മൊഴി നല്കിയത്.
ശീതളപാനീയത്തില് മദ്യം കലര്ത്തിയ ശേഷം യുവതിയെ പീഡിപ്പിച്ചു
ഒളിവില് പോയ ശിവപ്രസാദിന് വേണ്ടി പൊലീസ് തിരച്ചില് നടത്തി വരികയായിരുന്നു. അതിനിടെയാണ് ശിവപ്രസാദ് കോടതിയില് മുന്കൂര് ജാമ്യഹര്ജി നല്കിയത്. .ശീതളപാനീയത്തില് മദ്യം കലര്ത്തിയ ശേഷം യുവതിയെ പീഡിപ്പിച്ചു എന്നാണ് പൊലീസ് പറയുന്നത്. ഇയാള് വിദേശത്തേയ്ക്ക് കടക്കാനുള്ള സാധ്യത മുന്നില് കണ്ട് ശിവപ്രസാദിനെതിരെ ലുക്ക്ഔട്ട് നോട്ടീസും പുറപ്പെടുവിച്ചിരുന്നു
